حبيباتى اكيد كتير مننا حاول يخزن الكوسة ولقيتوها مش حلوة لانها بتنزل مية كتير وتتهرى بعد التخزين زى حالاتى
بس اللى خزنتها مقورة للمحشى كانت جميلة جدا
(بشرط) تطلعيها من الفريزر تحشيها على طول بعد 10 دقايق بالكتير
وتحطيها فى صنية وعلى الفرن على طول هتستوى والفرن هيخليها متماسكة وحلوة كأنها طازة
وده شكلها
ودى وهى طالعة من الفريزر قبل الاستخدام على طول
جربوها ياقمرات هتنفعكم فى رمضان وفى العزومات وكمان لما الكوسة تكون غالية
ودى طريقتى فى سلق الكرنب الصيفى لانه بيكون ورقه متماسك اوى فى بعضه وبيتكسر مننا واحنا بنقطعه
الاول هاشيل الورق اللى برة وده سهل شوية واول مانلاقى الورق رزق فى بعضه جامد
الاول هنحط على النار حلة مية وفيها معلقة كمون ومعلقة ملح ولما تغلى انزل بالكرنبة زى ماهى سليمة وعلى جنبها كدة
وبعد غلوة الفها على حتة تانية
وهكذا هلاقى الورق بقة طرى وساب الكرنبة ووقع فى الحلة واول مايستوى اطلع اول ب اول
ياريت الافكار تعجبكم وتجربوها ياقمرات
ولو الموضوع افادك ياريت التقييم لو سمحتى
مواضيع هذا القسم برعاية
ام يوسف واحلى بنات ام يوسف واحلى بنات 429970_11.gif مشرفة الموقع Fatakat 429970 بيتنا الجميل – مصر