ياريت حد يفسرلى من فترة لاحظت دخول ابنى الحمام فقولت اعمله تحليل سكر وكان لسة شارب بيبسى وهوهوز ومصاصة ودخلت على الصيدلية بعدها على طول حللتله فطلع عالىولكن دكتور الصيدلية قالى عيدى التحليل فى معمل ولكن انا من كتر خوفى روحت لدكتور اطفال حولنى لدكتورة غدد صماء فى مستشفى ابو الريش وحللتله على الجهاز وطلع 104 وحللتله بول وطلع سلبى ولما فضلت خايفة قالتلى فطريه وعيدى التحليل بعد ساعتين وعدت التحليل فى معمل كويس وطلع 87 فاطر ولما حكيت لدكتورة المعمل الحكاية قالتلى ان الاجهزة بتاعة الصيدلية مش دقيقة وكمان السكريات اللى كان واكلها لازم تعلى النسبة وبرده فضلت قلقانة وعملتله تحليل بول وطلع الحمد لله سلبى بس كان فيه نسبة املاح بسيطة وانا بلاحظ ان دخوله الحمام بيزيد شوية فى رمضان لانه بيشرب عصير مشمش ومانجة كتير جدا وهما فيهم املاح طمنونى ببالله عليكم الجهاز يعتمد عليه والا المعمل مع العلم هو الحمد لله نشيط وحيوى جدا وادعولى ان ربنا يطمن قلبى عليه ويكفيكم شر الوسواس اللى انا فيه
يارب احفظلى اولادى يارب احفظلى اولادى فتكات متميزة Fatakat 701816 القاهرة – مصر
سبحان الله و بحمده