السلام عليكم ورحمة الله وبركاته
دلوقتى يافتوكات انا عملت حقن مجهرى فى شهر 2 اللى فات ومحصلشمل الحمد لله
وكان ليا 3 اجنة مجمدة تانيين
عملت فى شهر 12 زرع للاجنة المجمدة
الدورة كانت جايالى يوم2/12 وعملية الزرع كانت يوم 16/12 والدكتور قالى اعمل التحليل بعد 16 يوم
عملت التحليل يوم 1/1 وطلعت النتيجة 25 ومكتوب نيجاتيف
كلمت الدكتور قالى احنا بنعتبر النتيجة دى حمل ولسة فى اوله اوحمل ضعيف استنى يومين كمان واعملى تحليل تانى وخدى الادوية بتاعتك زى ماهى بس اللبوس يبقى كل 8 ساعات مش كل 12 ساعة
رجعت عملت التحليل تانى النهاردة يوم 5/1 وطلعت النتيجة برضه 25 وبرضه مكتوبلى نيجاتيف
انا دلوقتى مش عارفة ده معناه ايه يعنى المفروض ان الرقم يا اما يزيد او يقل لكن يفضل زى ماهو فده اللى مش فاهماه
مع العلم ان فى الحقن المرة الاولى من 10 شهور نزلت عليا إفرازات بنى من اليوم ال13 وده اللى خلانى اعمل التحليل بدرى وطلعت النسبة اقل من خمسة ولما وقفت الادوية كان على اليوم ال14 زادت الافرازات واليوم ال15 نزلت الدورة
لكن المرة دى مافيش اى إفرازات والنهاردة اليوم ال35 من الدورة واليوم ال21 من العملية والنسبة دى محيرانى
مش عارفة اعمل ايه والمشكلة انى سافرت بعد العملية بأسبوع بره مصر ومش هاينفع اروح للدكتور بتاعى يادوب بكلم السكرتيرة بتاعته وهى بتقوله وارجع اكلمها تقولى اعمل ايه ولما كلمتها النهاردة قالتلى هاتقوله بكره وترد عليا
انا مش عارفة هو ممكن يكون التحليل غلط او مش باين فيه اروح لدكتور هنا واخليه يعملى سونار والا اعمل ايه
والا كدة يبقى مافيش حمل واوقف الادوية يمكن الدورة تنزل
والله انا خلاص تعبت واحترت وهاتجنن
حد بفهمنى
salafya salafya 134858_1.gif فتكات هايلة Fatakat 134858 قلب زوجى – ارض الله الواسعة