سلامو عليكو يا عرايس
يارب تكونو كلكو بخير وسعاده يارب
بصو بقي انا بكتب النهارده وانا دمي محروق بصراحه
ليه؟!!
عشان المهازل اللي بشوفها دي وبصراحه كده مش قادره اسكت ومنزلش موضوع منفصل
لا دا مش موضوع دا تحذيــــــــــــــــــــــــــــــــــــــــــــر
ايوه
كل البنات اللي جايبه طقم تافلون دلوقت
"تيفال زهران – سافلون – تروفال – نوفال – بتنجال …"
كل دول اول حاجه بيعملوها او بيشتروها زي الناصحين ايه؟
طقم التوزيع بتاع التيفال اللي بسميه الكارثه المتحركه اللي هو دا
يا بنات دا ســــــــــــــــــــــــــــــــام لابعد الحدود
ليه بقي؟
الماده المصنوع منها الطقم دا لما بتسيح ف الاكل بتعمل مركبات سامه جداااااا ومسرطنـــــــــــــه وبتاكليها انتي ومش بتحسي
حتي لو كانت المعلقه ولا المغرفه شكلها مش بيتغير ادامك بس المواد دي بتنزل ف الاكل من غير ما بتشوفيها
الله يكرمكو بلااااااااااااااااش الكارثه السودا دي مهما كان غالي ولا دافعه فيه فلوس الفكره ف الماده اللي مصنوع منها واللي مش بتستحمل الحراره وبتتغير لمواد مضره جدا
اامن حاجه للتعامل مع التافلون والاواني بشكل عام الخشـــــــــب
ليه؟
مش بيتفاعل مع الاكل وامن جدااااااااااا
نقطه كمـــــان
الاواني التافلون بتترمي فوراااااااااااااا لو ظهر فيها ولو حتي مجرد خدش بسيييييييط جدا
ليه طيب؟
لان الماده اللي بيتلزق بيها طبقه التافلون بطبقه الالومينيوم اللي تحتها بتبقي مسرطــــــــــــــنه وبتنزل ف الاكل مع استخدامك للاوني دي
فمتستخسريش ف صحتك عشان كان جنيه لان الضرر كبير ربنا يعفينا جميعا يارب
الموضوع مهم ولازم الناس تاخده بجديه
دي صحتنا يا عرايس ربنا يباركلكو
انا قصدت اكتب الموضوع في القسم هنا لان كلكو او الغالبيه العظمي هنا عرايس وبتجهزو وتجيبو الكارثه السودا دي
يمكن الناس القديمه شويه مبتجيبهوش او بتفضل الخشب
لكن انا لاحظت انتشاره بدرجه كبيره بين العرايس الجداد
يابنات
اللي بيسال انا عرفت ازاي وجبت المعلومه منين
اولا انا صيدلانيه يعني دي دراستي اصلا
ثانيا ممكن جدا تعملي سيرش ع المعلومه وتتاكدي منها
بس كده
واخيرا
ربنا يتمملكو علي كل خير ويسعد قلوبكو جميعا يارب
يلا بقي
سلامو عليكو
eman shehata eman shehata 250726_3.gif برنسيسة فتكات Fatakat 250726 Helwan – Egypt