كل سنه وانتوا طيبين ياقمرات
كنت عملت موضوع قبل كده اسمه تحدي ال3كيلو
وهو تحدي اننا هنعمل رجيم ونخس 3كيلو في اسبوع مع بعض
وفعلا اشترك معايا بنات كتير وخسيت ال3كيلو وبعدها خسيت اكتر
لكن للاسف سبت نفسي
فرجعت زدت من تاني
فقررت ابدأ الرجيم والتحدي من تاني
لان فرحي فاضل عليه 25يوم تقريبا ان شاء الله
وعاوزه اخس شويه قبل فرحي
وعاوزه حد يشجعني
مين هيبقي معايا يابنات
ده الرجيم الي همشي عليه
الفطار ( رغيف سن ومعاه بيضه مسلوقه او 4معالق فول من غير زيت او اومليت من غير زيت
كوب لبن بمعلقه عسل ابيض وثمرتين فاكهه او مع الرغيف السن 3معالق مربي دايت او جبنه فلاحي او حبنه لايت)
وبين الفطار والغداء ثمرتين فاكهه من المسموحات
والغداء رغيف سن او 3معالق ارز ومعاهم ربع فرخه منزوعه الجلد او سمكتين مشوتين
او علبه تونه مصفاه من الزيت وممكن نشرب طبق شوربه منزوعه الدسم
او ناكل طبق خضار بسله او لوبيا بس معمول بزيت زيتون او سوتيه من غير زيت خالص
وقبل كل ده طبق سلطه بس طمطمايه واحده بس علشان الاملاح
وبين الغداء والعشاء ممكن ثمرتين فاكهه
العشاء زي الفطار وممكن نقضيه 3ثمرات فاكهه من المسموحات وخلاص
ثانيا الرياضه (أهم شئ ساعه يوميا مشي ده بيفرق جدا لانه بيحرق حوالي 350سعر حراري
او ممكن نستبدلها كبنات بساعه رقص
مفيده بردوا جدا في نحت الجسم وتغير شكله وبتدي ليونه ومرونه في الجسم)
المايه يابنات : اهم شئ يابنات كوباتين مايه علي الريق كل يوم
دول مفعولهم زي السحر والله في الرجيم وفي نضاره البشره
وفي انها بتمنع الامساك الي بيحصل مع الرجيم
وفي نضافه الكلي )
السكر:ليكي معلقتين سكر في اليوم سكر عادي
او 4معالق سكر دايت
ده رجيم الدكتور محمود عويضه الي انا متابعه معاه
هو بيجي علي قناه الصحه والجمال
الي حابه تشترك معانا
تكتب اسمها وسنها
وطولها ووزنها
وهدفها
وانا هبدأ
مروه
24سنه
151سم
وزني68كيلو
هدفي :60كيلو
مين معايا يابنات
dr.marmora dr.marmora 317983_3.gif فتكات ست الكل Fatakat 317983 بين أسنان الناس وضروسهم – في قلب زجزوجي حبيبي