بعد ما كتبت الجزء الاول وعجب الفتوكه بطه قررت اني اكمل وبجد انا عارفه ان موضوعي هيعجبكم اوووي انا ولا هحط صور ولا يحزنون ههههه انا هشرحويارب يوصلكوا اللي بكتبه وده لينك الجزء الاول https://fatakat.univanet.com/#1284796
بسم الله الرحمن الرحيم
هنكمل بعد ما شرحنا الحلل والصواني وانواع الاطباق و طقم المعالق بتاع الضيوف وكمان البيت وطقم التوزيع بانواعه والسكاكين
نتكلم بقى عن الطاسات في طاسات غويط للقلية ودي في منها المونيومزنوكي حلو وبيعيش وفي منها مطللي اسود شبه التيفال لكن هو غريب بس حلو للقليه نجيب2 غويط سواء ان كانو المونيوم او المطلي اسود برا وجوا عشان مثلا نخللي واحده للسمك وزفارته وواحده للبطاطاس والطعميه او نقلي فيها فراخ كنتاكي مثلا
وفي طاسات مش غويطه ممكن نجيب2 _ واحد تيفال صغيره للبيض او الحاجات السريعه عشان متلزقش ونجيب واحده كبيره كمان لقليه البانيه البوفتيك
وفي منها طبعا المونيوم كفايه واحده مقاس وسط المونيوم مع التيفال اللي مش بيلزق وانواع وجودة كل من التيفال والالمونيوم في الجزء الاول مذكورين
وبعد كده ندخل على طقم الكنك في المونيوم وفي صاج وفي ستنالستيل وفي تيفال طبعا وانا برجح الاستنالس ستيل
في 3 مع بعض بيتباعوا بحامل احجام مختلفه يبدأمن 47 اومعاكي ل100 ج110 بكتيره
وبعد كده لبانه2 لتر افضلهم التيفال عشان اللبن ميلزقش مش لازم نجيبه تيفال فرنساوي او تركي او ماركه عادي نوفال او تروفال حلو اووي
وفي كزاروله يعني شبه الحله بيد واحده لسلق البيض او تنفع لبانه بردو تكون الامونيوم وانواعه مذكور فوق في الجزء الاول اللينك
اوعو تنسو طقم التوابل وزودي عليه كم علبه بلاستيك فرط لنيش المطبخ شيلي فيه توابل مش مطحون او ممكن تجيبي طقم اللي ب 15 ج بلاستيك مهو مستخبي مش عالرف برا
يا جماعه لازم تعرفو ان اي شركه او الغالب سواء ان كان تيفال او الاستانلس ستيل او الصاج او الالمونيوم بتنزل مثلا حلل وطاسات وصواني ولبانات وكزروله ودماسه فول وكنك قهوة تركي وفي منهم بينزل برادات شاي كمان
نكمل باقي المستلزمات
دماسه فول واحده في مقاس 1 وفي مقاس 2 جيبيها المونيوم زنوكي حلوه ب 37 ج مقاس 2 ولو جبتيها جيبي معاها السخان الكهربائي وده سعره رخيص مش غالي ميعديش الاربعين تقريبا
البرادات بتاع الشاي انواع جيبي واحد مقاسه وسط ولا كبير اوي ولا صغيراوووي والانواع كتير نقي الافضل في المحل انتي وزوقك
وخلينا بقى مع الكوبايات مشكله يعني لازم نكتر عشان النيش افندي ..
ممكن نجيب 3 اللي سعرها السته بحاجه وتلاتين جنيه للطقم
و2 من اللي هما ب 70 او 60 ج
ونجيب واحد غالي كده لو كريستال يشرف ادام الناس الهاي كلاس ههه
واشكال واحجام الكاسات مليه السوووق بجد ما اكترها في المنتج الصيني اكيد شفتوه اللي هو اسمه جرين .. نسيت الاسمكامل لون اخضربتاع التيكيت ورخيص موووت و شياكه معرفش اززاي
وفي تركي ورقته حمرا واسعاره حلوه اووووي ورخيصه وفي انضف نوع كوبايات عمره مطرشق من المياه السخنه لومينارك ماركته زر قة او كحلي كده!
وطبعا مننساش كوبايات المياه اللي بتبقى ساده وشيك كفايه اوي 6 مياه
وطبعا نجيب اول حاجه طقم فناجين شاي وقهوه صيني شيك ومحترم ويشرف
وبعد كده نجيب التقاليع التانيه اللي بيبقى معاه براد مثلا وبتاع لبن نونو وسكريه اكيد الاطقم دي ماليا السوق اسمها بقى طقم شاي طقم كاكاو او طقم نسكافيه ممكن نجيب واحد وعاده ده بتاع النيش مبحبش اشرب فيه
وممكن نجيب كاسات شاي اللي هي زي بتاع الاتراك الصغيره اوزي السعودي اللي بطبق ام ودن صغيره ممكن نقدم بيها مع براد شاي للتقديم بيبقى عليه فصوص مش للنار بس للتقديم الشاي على الصينيه زي العرب والاتراك…
مننساش دورق العصير_طقم شربات)6 بدورق واحد غالي للنيش والضيف/ وواحد ملون بكوبايات يوميه انا جبت الطقم صدفه ب 27 ج الدورق ب 12و 6كوبايات ب 15ج عليه اشكال ملونه انا لقيت ده في محل وده في محل
ومننساش الصواني
ممكن نجيب طقم صواني تقديم ف 4 او 3 مقاسات مختلفه لونه فضي وعليه نقشه خفيفه دهبي الاستانلس ستيل طبعا 18/10 عمره عمره ما بيصدي وبيعيشوفي نازل اللي هو دهبي بس ساده وفي كمان النحاسي وفيه الزيتي افتح من النحاسي بس الموضوه العمر كله الابيض الفضي يعني
في صواني مطليه بالفضه بس مش اساسي
نيجي للرفايع
1_مقشره البطاطس والخضروات
2_مقوره بزنجان وكوسه رفيع وغليظ
3_فتاحه بيبسي+فتاحه علب تونه ان واحد
4_3مصفاه سلك للشربه او العصير او الكركديه او ينسون هما 3 احجام نجيبها نوع كويس عشان متصديش
5_قلايه سلك بتتحط جوا الطاسه الغويطه جيبيها مقاس طاستك
6_في بقى ودي مهمه مهمه مصفاه سلك واسعه تطلعي بيها المقلياتودي غير بتاع الشربه لان بتاع الشربه غلط في الزيت وكمان هيمش غويط السلك فبتنشل الحاجه بسرعه
6_هون خشب
7_مبشره في العاديه وفي كده بعلبه ممكن نعمل بها الشيبسيوكل حاجه بردو بس في علبه مستطيلبلاستيك ب 26جتقريبا
8_قطاعه طعام خشب للحوم وبلاستيك للخضراوات
9_مسطرين شبه اللي بنشي بها البسبوسه والبيتزا
نشابه خشب فرد المعجنات
10_هراسه بطاطس ب2ونص
11_هراسه توم وتعصر لمونة
12-قطاعه البيض الصغير
13-قمع تزيين حلويات شانتيه افضلهم اللي ب 30 ج القمع الكبير كيسه قماش ومعاه قطع كبير لبلح الشام والاكلير احسن من ابو 2ونص مستفز
14_مهم علب البلاستيك لحفظ الطعام في الثلاجه
16-علب طعام حفظ الحراره للسفر لوجوزك بيسافر شغل
17_مشابك وحبل غسيل
18_طبق عيش خووص تحفه للسفره او طبق شبه المطبقيه كده مدور للعيش بشوفه في المسلسلات بس ههه
19_حافظه عيش بلاستيكيه
20_فوط مطبخ ومريلة مطبخ
21_مساكات حلل
22_لوف او اسفنج اطباق ومتنسيش سايل الاطباق علبه حته في اول الامر
23_جوانتي مواعين
24-مفارش للنيش اورجانزا زي لون مفرش السفرة وكمان متنسيش مفارش بلاستيك لدولاب المطبخ
25_مناديل ورقيه للمطبخ
26_ورق فويل او ورق تغليف بلاستيك شفاف او ورق زبده للحواشي هههه
27_ازايز مياه انا شفتها ب 11 ج الواحده بجد خياليه او دورق مخصص للمياه في البيت
28_طفايتين زجاج او براحتك
29_صينيه تقديم بلاستيك ب 5 ج لفردين ليكي ولوجوزك شخصيه بدلما تبهدلي الاستنالس الغالي بالمياه علطول
30_صينيه اكل للبيت لو هتقدمي عليها اطباق العشا ادام التي في بلاستيك او ستانلس ستيل
31_مطبقيه
32_شياله معالق على الحوض
33_صبانه بلاستيك
34_مقشه ومساحه وجردل بشرشوبه للمسح
35_منخل دقيق صغيروممكن نمشي حالنا بالمصفى السلك
36_مصفاه المونيوم للمكرونه المسلوقه مهم
37_دقاقة بوفتيك
38طبق للعجن او نضرب فيه الكريم شانتيه بلاستيك كبير او زجاج
39_مضرب يدوي ستانلس ستيل للبشاميل عالنار
الاجهزه الكهربائيه
خلاط متعدد الاغراض
نجيب مالتي كويك صغيره على طاولة المطبخ ادامنا علطول عشان تسهل علينا نفرم بصله طماطم اهيه سهله
عجان كهربائي ده مش اساسي لانه غاليوالرخيص صيني وهيتحرق بلاش شمنه احسن نجيبيه بعدين
مضرب بيض او كريم شانتيه كهربائي يا بنات ابعدوا عن الاجهزي الصيني بالذات بتخرب اصلها
ولو افتكرت حاجه تااني هكتبها بس يا جماعه احب اقول حاجه اخيره بعد مطولت عليكم السعاده مش باللي جابو وهيجيبوا وعاوزه وعاوزه …..السعاده الحقيقه بالقلب واهم حاجه نعيش عيشه مرتاحه مع اجوزنا الي هنام جمبهم يصحوا الصبح نصبح على كلمه حلوه ومش كل اللي كتبته لازم نجيبه لان انا طبعا مش هجيب كل ده انا هجيب الاسااسيات والباقي نجيبه بعدين عشان الميزانيات وكمان مننساش ان ورانا لبس ومستلزمات اوضه النوم عادة او الاغلب على العرايس ربنا يتمم للكل على خير واي استفسار انا في الخدمه بجد انا اللي كتبه المووضع ومش نقلاه بس مساعده ليكم لله بس
دورا … دورا … 138462_2.gif ممنوعة من المشاركة Fatakat 138462 القاهره – جمهوريه مصر العربيه