السلام عليكم
انا اعانى من حساسية جلدية منذ الصغر
حكة جلدية يعنى
مهياش اكزيما ولا اى حاجة تانية
مجردحكة
ولكن ربنا مايورى حد بفضل اهرشها لغاية ما اعور نفسى فى الأيام اللى بتزيد عليا فيها
بتزيد و بتبهدلنى لو جيت جنب تراب
او عديت وسط التراب او جو مترب
و طبعا لو لمست ايدى التراب بالخطأ
لو ناموسة قرصتنى فى ايدى بينطر على جسمى كله و الباقى مش عايزة اقولكم بقى
طبعا روحت لدكاترة كتير منذ صغرى
كل الأدوية بتهدى شوية و لكن لا تعالج عشان الحساسية من امراض المناعة اللى مش بتروح
عموما عايزة اللى راحت لطبيبة شاطرة فى اسكندرية و كان عندها نفس المشكلة تقولى
او حتى برة اسكندرية عشان غيرى يستفيد
او تكون جربتادوية معينة ريحتها بس مش معناه ان حد يمشى عليها
لأ يعنى عشان لما اروح لطبيبة و تكتبلى الدوا الواحد بيستبشر لما بيكون سامع قبل كده ان الدوا ده جاب نتيجة
انا جربت مراهم موضعية ملطفة و مضادة للهيستامين زى ال
ستروبانتين
اليرجيكس
مراهم بالكورتيزون بوصفة الطبيبة (مهم يكون تحت اشراف طبى)
فيوسيكورت
الكون
ملطفات
سنسبيو بيوديرما فورت
سنسبيو بيوديرما لايت
بصراحة الإتنين دوول غاليين على الفاضى و معملوش حاجة
واحد ب 75 جنيه و التانى 64 جنيه
ولا عملوا الهوا حتى
جربت اقراص
زيرتك
مش بتعمل حاجة اوى معايا و عيبها انها بتنيمنى و تخلينى مصدعة عشان راسى تقيلة
فينيستيل
بينيمنى برضه و معملش حاجة
ايريس
و ده كويس و مش بينيمنى لكن ساعة لما يبقى الحكة زايدة اوى بحس انه ماعملش الأثر اللى كنت عايزاه
نفسى فى حاجة طبيعية
و ارجو الشفاء لى و لكم
ريمونتى ريمونتى 48957_1.gif فتكات غالية قوي Fatakat 48957 الأسكندرية – مصر