السلام عليكم ورحمة الله وبركاته
ما شاء الله وصلنا للجزء **136**
عقبال الالف والمليون وكل البنات حوامل وفرحانين بحملهم
واللى ولدوا فرحانين باولادهم
ياااااااااااااااااااااااه فات الكتير ما بقى الا القليل
ده اللى بنقوله لبعض دلوقتى فات الحمد لله اهم فتره فى الحمل عقبال الباقى يارب
بس دى اهم فتره البيبى بيتكون فيها وبحتاج تغذية كويسه جدااا
وكمان حجم البطن بيكبر والحركة بتزيد
فى اسأله بدور فى بالنا الفتره دى كتير زى مثلا
الحركة قلت انهارده حاسه بوجع اسفل البطن
لا الحركة كتيرر وفى ماتش شغال جوه
ظهرى وجعنى قووى
الحوض بدأ يشد عليا
فى حمو جامد على صدرى وحرقان لما باكل
مش عارفه انام
وااااااااااااااااه ولو اتقلبت وانا نايمه وجيت على جمبى
الشهر التاسع جه هوا انا هولد امتى
هوا ده طلق
ازاى اعرف ان ده طلق
هحضرتى شنطة الولادة ولا لسه
هاخد ايه معايا ليا وللبيبى
كل الاسئله دى بدور فى دماغنا
تعالو يلا نتجمع ونريح بعض ونفيد بعض وبأذن الله حملنا هيتم على خير يارب ويرزقنا بأطفال زى القمر معافين بدون زيادة أو نقصان
مدام_سمسمة مدام_سمسمة 187760_22.gif برنسيسة فتكات Fatakat 187760 كنت عايشة فى قلب أمي نبض حياتي ( بورسعيــــــــــد ) – رجعت تاااانى مع زوجي وبنوتاتي روح قلبي ( الكويــــــــــــــــــــــت)