السلام عليكم ورحمة الله وبركاته
مش عارفه الفكره هتعجبكم ولا لأ ,, بس أنا كنت مشاركه فيها فى مدونة بس مش مصرى
وحسيت انى نفسى يكون لى أصدقاء مصريات ,, فقولت أنقلها ويمكن تعجبكم
الفكره هنا ان ده هيكون تجمع للبنات المتأخرات فى الحمل , نعرف أخبار بعض , ونفيد بعض
بدل ما كل واحده مننا تدخل تعمل موضوع لوحدها عشان تسأل عن حاجه معينه
نخلي ده هو تجمعنا , نتعرف فيه عن بعض اكتر , ونرد على استفسارات بعض
واللى ليها تجربه فى تلقيح صناعى , او حقن مجهرى , أو اشعات , او عمليات تانيه تفضفض معانا
وندعي لبعض دعوه بظهر الغيب ,لعل وعسى الله يستجيب من واحده فينا ونصبح كلنا أمهات فى نفس الشهر
ولو عجبتكم الفكره يلا تعالوا فيدوا وأستفيدوا
وهنبدأ ببطاقاتك الشخصيه الخاصه بتجمعنا واللى هى:
عندك كام سنه؟؟
متجوزة من كام سنه؟؟
حملتى قبل كده ولا لأ؟
ايه سبب تأخر حملك ( بعد إرادة ربنا طبعا ) ؟؟
جربتى الحقن المجهرى والتلقيح الصناعى ولا لأ؟؟
كام مره كررتى التجربه؟؟
بتابعى حاليا مع اى دكتور ولا لأ؟؟
دى حاليا الاسئله اللى فى بالى واللى عاوزة تضيف حاجه يبقى يا ريت
أدينا بنتعرف على بعض أكتر
وطبعا الموضوع ده مش بإسمى ولا بتاعى ,, ده هيكون لينا كلنا نتكلم مع بعض ونسمع بعض
وياريت نبقى أحلى صحبه فى الله ونتجمع كلنا على الخير
هااا إيه رأيكم
Fooofa Fooofa 231805_3.gif سوبر فتكات Fatakat 231805 Sharjah – United Arab Emarites