السلام عليكم رحمه الله بركاته
يارب تكونو بكل خير يااحلى فتوكات ويارب يتقبل مني الموضوع ده لوجهه وتستفيدوا منه باذن الله
انا حكايتي طويلة شوية اولا انا في اواخر العشرينات متزوجة ومخلفه الحمد لله بس مشكلتي اني مليانه + عائلتي حتى الجدود مرضى بالسكر + قعدتي في البيت (قله الحركة) مع الرضاعه اللي بتجوع كتير + عاطفتي الجياشه ( بتأثر للعلم)
كل دي اسباب بتزود احتماليه اصابتي بالسكر جدا لكن انا املي في ربنا كبير اوي وبدعي اني مااصببش بالسكر لاني شوفت كتير من اهلي بيعانو اووووي منه ربنا يعافيهم ويرحم اللي توفى منهم
جينا لمولد النبي (عليه الصلاه والسلام) كل سنه انتو طيبيين جبنا حلاوة المولد وياريتنا ماجبنا اكلت منها وحسيت باعراض زي كثرة التبول والعطش الشديييييد وتنميل الايد والرجل ساعات وعلى حظي الدورة اتاخرت من قلقي فتخيلت اني حامل بس كل التحاليل بتنفي ده
فقيست السكر بالجهاز المنزلي اللي والدي لا يستغنى عنه اتصدمت بعلو السكر اللي بقى في ال 200 طبعا انهارت من العياط لاني بخاف جدا من المرض ده ربنا يعافينا جميعا وفضلت منهارة ككل مااقيس السكر
لكن سبحان الله كنت كل ماافتح الفيس بك الاقي موضوع عن ورق الزيتون انه يتغلي مقدار ملو الكفين على لتر ونص يتشرب تلات مرات في اليوم قبل اي وجبه
فتحت فتكات لقيت نفس الموضوع قلت لازم اجربه وربنا الشافي المعافي وهي اصلا شجرة زيتونة مباركه
فعلا جبت الورق وغليته واخدت ميته قريت عليها الرقيه وشربت منها لمده 3 ايام والحمد لله تحسنت كتير وقياس السكر نزل عن الاول اينعم لسه مانزلش اوي يعني يعتبر على الحرف كده بين البينين بس في تطور الحمد لله
ده طبعا مع اني بطلت الحلويات تماما ووبحاول اقلل اكلي بس للاسف الرضاعه بتجوع ونفسي احاول اتحرك كمان لكن مع البرد والبيبي مش بعرف اتحرك انزل اتمشى في الشارع يعني
دي كانت تجربتي المتواضعه ولو افادتك وتحبي حد تاني يستفاد بيها اتمنى التقييم والاهم الدعوة الحلوة بالشفا والمعافاه ليا ولكل مرضى المسلمين
فتاتيكو تيكو فتاتيكو تيكو 181972_1.gif سوبر فتكات Fatakat 181972 القاهرة – مصر