السلام عليكم ورحمه الله وبركاته
بصوا يا بنات انا قبل ما اتجوز كنت محتاره زيكم كده اجيب حلل ايه وحاجات ايه وكل شويه اسمع حد بيشكر في نوع شكل لحد في النهايه ما جبت سيراميك ماركه فالز واستانلس زهران وجبت ووك وحله وطاسه سبتر بس ديه غاليه شويتين وجبت طقم ملامين الماني و3 حلل المونيوم مخلتش حاجه مش كده المهم يا بنات كل ده مبستخدمش منه غير السيراميك والووك بتاعت سيبتر وهكلمكم دلوقتي عن تجربتي مع الحلل السيراميك ان جبت 3 حلل و3 طاسات احجام وسوتيز وصنيه بجد يا بنات الحلل ديه روعه روعه واختراع من هنا لبكره اولا تسويه الاكل ممتازه ولا بيلزق ولا بيتتقشر وسهله جدا في التنظيف والاهم من ده كله انها صحيه انا جبتها في البدايه كبديل للتيفال لكن دلوقتي بقت بديل لكل حاجه بعمل فيها الرز مفيش حبايه بتلزق وعملت فيها تسبيكه الخضار والخضار نفسه وسلقت لحمه وعصجت لحمه ممتازه ممتازه ممتازه انا الصراحه ندمت اني جبت كل كوم الحلل ده وناويه اجيب حلتين كمان وصنيه وكسروله لأني مش بعتمد غير عليهم ديه يا بنات تجربتي معاها وانا زي ما قلت جبت فالز التركي يعني ديه اللي جربتها معرفش باقى الانواع جبتها من اولاد نصار الناس دول محترمين اوي وذوق واسعارهم واحده وهتلاقي السعر فيه يجي 30 جنيه بينهم وبين بره انتي اولي بيهم يجبولك حاجه كمان وكمان شكلها حلو اوي انا عارفه البنات بتهتم بموضوع الشكل ده شويه بعكس بعد الجواز بتلاقي نفسك بتميلي للحاجه العمليه اللي تنجز ومش مهم الشكل
وديه صورتها اهيه بس من النت مكسله اقوم اصور الصراحه بس انا بتاعي لونه زيتي بقي
أنغام الليل أنغام الليل images/avatars/moon.jpg فتكات هايلة Fatakat 579082 cairo – egypt
سبحان الله و بحمده