السلام عليكم
يابنات انا هقول ع تجربتي مع اشعه الصبغه وبكل امانه لاني دورت كتير قبل اما اروح اعملها وفعلا بتبقى الواحده قلقانه ومتوتره منها جدا
انا عملتها في مستشفى العزيز بالله في حدايق الزيتون مع دكتوره هويدا هي تمن الاشعه 200 وبتجيبي من صيدليه المستشفى الصبغه والحقنه كله بيكلف من الصيدليه بالمسكن باسكوبان 108 فيه نوع صبغه ارخص بتجيبي امبولتين الواحده ب 16 تقريبا بس مش بتلاقيه دايما
الاشعه بتتعمل بعد اخر يوم فالبريود فاليوم الرابع او الخامس
اولا بكل اماااانه مش مستاهله بنج خااااااااااااااااالص لو انتي بس مش بتستحملي وجع البريود خدي حقنه مسكن قويه قبل اما تعملي الاشعه بشويه علشان تعمل مفعول وبسسسسس
بتدخلي كانك هتكشفي نسا وتعقم المكان وتفتحه بآله كده بس عاديه جدااا علشان تعرف تحقن الصبغه
وهو والله الوجع كله اول اما الصبغه تدخل
(اهممممممممممممممم حــــــــــــــــــــــــــــــــــاجه بلااااااااااااش تشدي اعصابك ولا تخوفي نفسك لان الصبغه بتوسع الانابيب فلو شديتي نفسك هتوجعك اكتر وهي مش مستاهله اصلا)
اول اما الصبغه تدخل دقيقه وهتلاقي الوجع بيقل لوحده اقراي قران واستغفري ربنا مش هتحسي بحاجه خالص
وتاخد ال 3 صور بجهاز الاشعه وخلااااااااص كده سهله جدا والله ولا مستاهله بنج ولا حاجه خاااااالص
اللي تستفيد من موضوعي تدعيلي ربنا يرزقني بالذريه الصالحه قريب
مش تنسوا التقييم علشان الموضوع يثبت
baata baata 131265_8.gif فتكات رائعة Fatakat 131265 cairo – eygpt
سبحان الله و بحمده