بسم الله الرحمن الرحيم
حبيت يابنات اخبركم عن تجربتي في مرض الشرخ الشرجي عل وعسى تستفيدوا من تجربتي
طبعا انا في البداية ما كنت اعرف ان عندي شرخ وهذا الشي زاد الوضع سوء وطبعا ما خبرت حد والالام عذذذذااااب دورت كثير في النت وسويت اغلب الاشياء والحين بخبركم الاشياء الناجحة طبعا المفروض تروحوا المستشفى وطبعا بيقولوا لكم روحوا عند دكتورة جراحة انا كنت رافضة هالشي وهذا غلط بس كل واحد وظروفه وكلت امري لله وقلت الله هو وحده القادر انه يشفيني وانا فيني شرخ اتوقع انه مزمن لان طلعت فيني زايدة صغيرة ويوم بحثت في النت طلع اسمها الباسور الحارس طبعا اتضايقت لاني سمعت ان ما في حل الا الجراحة وما كان في المستشفى دكتورة جراحة الا جراح انا رحت عند دكتوره عامه عطني مرهم مخدر اسمه xylocaine وشراب دوفلاك للامساك
ومسكن للالم كلمتها عن الدوفلاك وقلت لها هل يسبب كسل فقالت لي لا بس بكتب لج اياه لمدة 3 ايام والمرهم استخدميه مرتين قبل الحمام وبعده لمدة اسبوع
جربت العسل جربت العسل ويا الحلبه وجربت حقن زيت الزيتون خمس مرات في اليوم تخفف بس ما عالجتني وجربت المرة بروحها مذوبه في ماي وفي عسل اشياء كثيييرة
بس بكتب لكم الاشياء اللي فادتني:
اول شي اتخلصوا من الامساك انا كنت مستغربه من الامساك اللي فيني رغم اكلي الصحي وشربي للسوايل كلمت الدكتوره وقالت والله الامساك ماله سبب بس معين بس انا كنت حاسة ان فيني شي انا قبل 4 شهور قالوا ان عندي هشاشة في العظام واعطاني الدكتور حبوب كالسيوم فرحت المستشفى وطلبت فحص دم وطلع عندي الكالسيوم 11 طبعا مرتفع وهذا هو سبب الامساك فامتنعت عن كل شي فيه كالسيوم مب بس منتجات الحليب بس في فواكة وبقول واشياء ثانيه الكالسيوم مرتفع فيها انتوا ابحثوا عنها في النت
فكل وحده لازم تعرف سبب الامساك وتعالجه
1) الحين الخلطة اللي عالجتني بعد الله سبحانه وتعالى هي الصِبر هو عباره عن حجر اسود صغير بتلاقونه عند العطارين وهي صورته من النت [IMG]{rtf1ansiansicpg1252 {fonttblf0fnilfcharset0 ArialMT;} {colortbl;red255green255blue255;red84green39 blue10;red255green255blue255;red200green189 blue124; red71green71blue71;} deftab720 itap1trowd taflags0 trgaph108trleft-108 trbrdrtbrdrnil trbrdrlbrdrnil trbrdrtbrdrnil trbrdrrbrdrnil clvertaltclvertalbase clshdrawnil clwWidth16320clftsWidth3 clmart10 clmarl10 clmarb10 clmarr10 clbrdrtbrdrsbrdrw20brdrcf4 clbrdrlbrdrsbrdrw20brdrcf4 clbrdrbbrdrsbrdrw20brdrcf4 clbrdrrbrdrnil clpadl0 clpadr0 gaphcellx8640 pardintblitap1pardeftab720sl600qrpartighten factor0 f0fs24 cf2 cb3 outl0strokewidth0 strokec2 
cell lastrowrow}[/IMG]
وهذا اللنك واتمنى ما ينحذف لان فيه فايدة للبنات المريضات
**********************
الخلطه كانت عباره عن صبر مذوب في كحول ومخلوط بالفازلين وسبب استخدام الكحول عشان لو ذوبناها في الماء ما بتختلط مع الفازلين انا عن نفسي ما كان عندي الا مسحات الكحول فعصرتهن وزودت ماء زمزم وتميت اخلط ساعه تقريبا ضبطت وياي
وفعلا كان مفيييد جدا والفازلين مهم جدا للشرخ والصِبر معرووف انه يساعد في التام الجروح واعتبره هالعلاج هو انجح شي للشرخ
2) وكنت ابحث في مواقع اجنبية واكثر شي مدحوه مرهم النيتروجلسرين والدلتزيم بس ماحصلتهن في اي صيدليه لازم جراح يكتبهن لكم والمستشفى هو يجهزها بس يمكن تحصلونها في بلادكم وهاذي اساميهن بالانجليزي
( diltiazem cream)
(nitroglycerin cream )
3) ومن التجارب بعد اللي حصلتها وحده اجنبية كانت مصابه بالشرخ وما خلت علاج واخر شي فادها كريم كانستين (canesten ) وكانت كاتبه انها عارفه انه ماله خص بس فادها كثير واختفى الشرخ وطبعا استخدمته وفادني كنت استخدم خلطة الصبر والفازلين مرتين في اليوم واستخدم الكانستين بعد مرتين في اليوم
4) بعد فترة صابتني حكة والاتهابات قويه وخفت الشرخ ينفتح فرحت الصيدلية وطلبت مرهم كيناكومب وقالت لي ان له اسم ثاني نفس تركيبة الكيناكومب بس الشركة مختلفه panderm وهو فيه شوية كورتيزون استخدمته مرتين في اليوم لمدة اسبوع والاسبوع الثاني مرة وحدة وعرفته من خلال بحثي وحده قالت ان الكيناكومب هو اللي عالج الشرخ اللي اصابها
6) وفي تجربه اخرى في الرابط h************************************
7) وتجربه اخرى بعد ناجحة كانت العسل ويا الحبة السوداء تطحنوا الحبة السوداء وتنخلوها وتكون ناعمه وتخلطوهم وتخلوهم مثل التحاميل في الفريزر روعه صراحه وهي تجربة بنت كانت فيها بواسير وقالوا لازم عمليه وبعدما استخدمت التحاميل استغربوا ان البواسير اختفت ويوم استخدمتها اختفت النغزات اللي فيني بس انا ضفت شوية ماي زمزم لان العسل بروحه ما يجمد ويوم ضفت الماء جمدت وصارت التحميلة ما تذوب
8) وتجربه اخرى مفيدة وبعد من النت زيت جوز الهند الطبيعي وطريقة عمله بتحصلوها في النت عشان تضمنوا انه طبيعي متعبه بس مضمونه وكنت احطة في الثلاجة ويطلع جامد واقطعه حبوب صغار عشان اضمن انه دخل للجرح داخل
ورحت عند دكتوره قبل فتره عشان اسوي فحص الكالسيوم وقلت لها ان الشرخ التام بس احس في شوية الم خفيف فكتبت لي تحاميل بروكتو جليفنول مرة في اليوم في الليل قبل النوم لمدة عشر ايام واستخدمها في الليل قالت لي انها زينه رغم اني جربت الكريم وما ناسبني ابدا بس التحاميل زينه
طبعا كل علاج من اللي فوق كانت له فترة مش ويا بعض كل وحده تشوف الطريقة اللي تناسبها
وفي شي مهم وانا اعتبره اهم شي لان الشرخ ينفتح بعد اي امساك حتى لو بسيط فشو الحل اذا صابنا امساك ماينفع ناخد مسهل او سنا او دوفلاك لان الامساك موجود فاهم شي تشتروا تحاميل الجلسرين وسعرها 10 ريال تستخدميها اذا صحيتي وعندج امساك مفاجئ تكسر القساوة وتخلصج من الضرر باقل الخساير وما ينفتح الشرخ وبعدين استخدمي دوفلاك ولاي شي بس انا ما انصح بالمسهلات كثير وفعلا استغربت ان محد اتكلم عنها الا وحدة في النت قالت خلاص الشرخ ما رجع لها ابدا لان كل ما جاه امساك على طول تستخدم تحميله جلسرين وتستنى ساعه او اكثر وتدخل الحمام وفعلا تجربه ناجحة لان سمعت ان الشرخ يحتاج 6 شهور ليلتام تماما واي امساك خلال فترة الشفاء يعيدنا للبدايه والواحد احيانا مهما التزم بالاكل الصحي يمكن يصيبه امساك
واخر شي من الاشياء اللي تسرع الالتام هو الماي الحار صعب في جونا اني اقعد في الماي الحار في الحمام 3 مرات في اليوم فرحت واستخدمت قربة الماي واستخدمها وضيفتها تسرع الالتام لانها توصل الدم للشرخ فيلتئم الجرح بسرعه واهم الشي الدعاااااء في السجود وبين الاذان والاقامه وقيام الليل .
موضوعي طويل وبالتفصيل الممل بس حبيت افيدكم لانه مؤلم ومحرج واتمنى انكم تدعولي بالشفاء التام ولا عاد يرجع لي واسال الله يشفي جميع المسلمين ويستر على جميع البنات يارب واعتذر اذا حطيت روابط بس ضروريه عشان اوضح لكم الصورة
noon1980 noon1980 فتكات جديدة Fatakat 1158942 الرياض – السعودية