فتوكات هحكي لكم قصتي مع تجربة الحقن المجهري
بعد زواج دام 9 شهور تقريبا ولم يحدث حمل بدانا انا وزوجي رحلة الكشف عن اسباب عدم الحمل وكانت النتيجة انة يوجد لدي ضعف في التبويض
وبدانا العلاج بالمنشطات كل شهر ومتابعات التبويض ولكن بلا فائدة المهم بعد ياسنا من العلاج الذي دام 3 شهور اخري ذهبت انا وزوجي الي دكتور متخصص في علاج العقم والحقن المجهري وهو الدكتور ايمن زلط بطنطا المهم كان دكتور غاية في الاحترام في البداية قالي حالتك عاوزة شوية صبر لكن زوجي مستعجل نفسة يبقي اب بسرعة قالة يادكتور احنا مش هنستني علاج والاخر مش يجيب نتيجة المهم الدكتور اقنعة اننا نجرب الشهر دة كمان بالمنشطات ولكن بانواع اقوي من اللي كنت باخدها وكميات كبيرة المشكلة ان زوجي كان مسافر في نفس الشهر ووافقنا ناخد المنشطات وتكون تجربة اخيرة للعلاج خصوصا ان الدكتور اكد لنا ان نسبة الحمل عالية الشهر دة بالعلاج بامر الله المهم توكلنا علي الله واخذت المنشطات واتبعت كل التعليمات ولكن لم يحدث نصيب بالحمل
وسافر زوجي لمدة 4 شهور واتصل بية بعد 4 شهور وقالي روحي للدكتور وابداي علاج الحقن المجهري واتفقنا ان الموضوع هيكون سر بينا احنا الاثنين فقط لا غير يعني ولاحد من اهلة او اهلي هيعرفوا بصراحة يا فتوكات انا كنت خايفة جدا من كل شيء وقلت لزوجي انا عاوزة اروح لاكثر من دكتور علشان اطمن اكثر فوجئت برد زوجي ان الدكتور ما هو الا سبب والحمد لله بارك الله في اختيارنا المهم صليت استخارة وذهبت للدكتور بعد ما البريود كان يوم 22 مايو خلصت وبدات العلاج وانا كل يوم لم ينقطع الاستغفار عن لساني وصلاة طلب الحاجة وقيام الليل وقراءة سورة مريم بصفة مستمرة والدعاء وبصراحة خايفة من هذه التجربة وبعد اسبوع من بدا العلاج زوجي رجع من السفر وكان بجانبي وبيطمني بصفة مستمرة وفضلت ماشية علي برتوكول العلاج لحد يوم 5 يوليو واتحدد يوم سحب الاجنة يوم 10 يوليو وكان بمستشفي اجيال بالاسكندرية وسافرت انا وزوجي الى الاسكندرية ووصلنا المستشقي الساعة 7 الصبح الصراحة مستشفي غاية في الروعة واالخدمة فوق الممتازة ودخلوني غرفتي ولبست لبس العملية ولما الساعة جت 12 الظهر دخلت غرفة العمليات وانا اقرا قران وادعي ربنا انة يهب لي الذرية الصالحة المهم اعطاني دكتور التخدير بنج كلي وما هي الا نصف ساعة وصحيت ولقيت زوجي جنبي بيقولي الدكتور مبسوط اوي من النتيجة بتاعة السحب وانة تم سحب عدد كبير حمدت ربنا وصليت ركعتين شكر لله ودعيت ربنا انة يكمل مشواري علي خير
المهم يوم 3 يوليو جاني اتصال من عيادة الدكتور وبلغوني ان الترجيع يوم 15 يوليو وان الاجنة جميعها اتخصبت وحالتها كويسة جدا وفي يوم الترجيع كنت اشعر بتعب شديد جدا واعياء شديد وقيء مستمر ووصلت المستشفي الساعة 7 الصبح وجت الممرضة وقالت لو فضلتي على كدة العملية هتتاجل لدورة اخري المهم فضلت اصلي وادعي ربنا انة يتم ترجيع الاجنة علي خير وفوجئت ان الممرضة بتبلغني ان الدكتور هيتاخر حمدت ربنا وقتها وبدات اقرا القران وادعي ربنا ان حالتي تتحسن وجاء الدكتور ودخلت غرفة ترجيع الاجنة وانا لا استطيع ان اتكلم مع اي شخص وكل اللي على لساني هو الدعاء وقراءة القران ودخل الدكتور الي وقالي المفروض كنا هننقل 4 اجنة بس فية واحد مكملش فهننقل 3 بس حسيت وقتها بالخوف بس لم اتوقف عن ذكر الله وما هي الا دقائق وخرجت من غرفة ترجيع الاجنة ورجعت البيت وكان تحليل الحمل يوم 25 يوليو و وطول هذا الوقت وانا اتبع تعليمات الدكتور مع الذكر والدعاء وقراءة القران وقبل التحليل بكام يوم فوجئت بمغص شديد ودم نزل مني المهم خفت اوي ومقولتش لزوجي واصبحت عصبية جدا حتي زوجي فشل في التعامل معي وبدات اهدي لما الدم توقف وجاء يوم التحليل ورحت مع زوجي علشان اعمل التحليل وقبل ما انزل من البيت فوجئت ايضا بدم نزل مني المهم بردة خبيت علية وافتعلت معاه مشكلة واتخانقت معاه واحنا رايحين معمل التحليل الصراحة هو كان مقدر اللي انا فية ويحاول يهديني بالرغم انة مش عارف السبب الحقيقي لعصبيتي وعملت التحليل والنتيجة كانت المفروض بعد ساعتين انا فضلت اسيب شقتي واروح اقعد مع سلفتي وحماتي ورحت لهم وانا مش بتكلم ولا كلمة ولاهما عارفين فية اية وبعد ساعتين اتصلت بمعمل التحاليل علشان النتيجة فوجئت بيهم بيقولوا لي لازم حد يجي ياخدها قلت لهم اعرف بس حامل ولا مفيش قالي اسف مش ينفع زوجي طلع متفق معاهم علي كدة وانهم مش يقولولي النتيجة المهم بعد نص ساعة وانا في قمة نرفزتي وعصبيتي وزعلت حماتي وسلفتي مني بسبب عصبيتي لقيت زوجي بيخبط علي الباب وبيقولي مبرووووووووووووووووووووووووووووك انتي حامل طرت من الفرحة مش عارفة ساعتها كنت عاملة ازاي ولقيت الكل بيحضني وبيرقص حتي الاطفال الصغيرين مقدرش اقولكم عملوا اية واتصلت بالدكتور بتاعي علشان ابلغة بالنتيجة لقيتني مش عارفة اكلمة كل اللي بعملة اني بصرخ من الفرحة في التليفون وزوجي خد مني التليفون وهات ياضحك من الفرحة وحماتي وسلفتي يزرغطوا ويومها معرفناش نكلم الدكتور خالص المهم صلينا كلنا ركعتين شكر وحمدنا ربنا على هذه النعمة واتصلنا بالدكتور وحدد لنا يوم 8 اغسطس علشان اعمل سونار ومتقدروش تتخيلوا ان زوجي وسلفتي وحماتي واخت زوجي كلهم جم معايا وسمعوا صوت النبض والكل كان بيبشرني انة ولد واسمة محمد لحد ما وصلت للشهر الخامس والدكتور قالي انة ولد وسميناه محمد من قبل ما يتولد
ودي قصتي مع الحقن االمجهري وبامر الله لما اولد واقوم بالسلام هاجي احكي لكم قصة ولادتي
فتوكات رحمة ربنا كبيرة اوي والدكتور هو سبب وبس
mama dody123 mama dody123 801802_1.gif فتكات نشيطة Fatakat 801802 القاهره – مصر
سبحان الله و بحمده