السلام عليكم ورحمة الله وبركاته ازيكو يا فتوكاااااات انا جاية احيلكو على عملية الليزك انا الحمد لله عملت تصحيح ابصار بالليزك يوم الخميس اللى فات فى البداية بقالى فترة عاوزة اعملها بالرغم انى بحب شكلى بالنظارة وهتوحشنى بس زهقت من كتر ما عيالى كسروهالى وكل شوية اقعد ادور عليها وملاقيهاش حاجة تخنق فقلت اعمل العملية وكان معايا زميلتى مشجعانى كانت مخنوقة من النظارة لكن جوزى مكانش راضى بيقولى ملهاش لزمة انتى نظرك مش ضعيف اوى انا على فكرة -3 ومفيش استجماتيزم وف الاخر اقنعته ووافق ورحنا للدكتور وقال الموضوع بسيط وهو بيحب يعملهافى مركز رؤية فى اسكندرية لانه فية تقنية اعلى فى الجهاز انا على فكرة من المحلة وعهملتها مع دكتور عادل عبدالله هو من المحلة بردة وبيشتغلها كل خميس فى رؤية فى اسكندرية وقالنا قررو وتعالو قولولى هتعملوها اى يوم خميس بس عرفونى قبلها عشان احجز جهاز الليزك واحجزلكو ف المركز وفعلا رحنا الاتنين اللى فات ودفعنا 1000 ج كمبلغ حجز عند الدكتور وتوكلنا على الله ورحنا الخميس ع المركز عملنا فحوصات للعين عبارة عن صور للعين واشعه للقرنية وكشف نظارة عادى جدا مكملش 10 دقايق وانتظرنا الدكتور لحد ما جة لبسنا لبس التعقيم واوفر شوز وحطولنا قطرات لتوسيع الحدقة وبيتادين ع الوش طبعا لو منتقبة زيى هتقلعى النقاب فى العملية وتلبسية وانتى خارجة وهتدخلى تنامى على سرير والجهاز فوق عينك مطلوب منك بس متتحركيش والشغل كله ع الدكتور وخمس دقايق للعينين وهتكونى طالعة مفتحة وزى الفل هتخرجى يطمن ان نظرك بقى 6 على 6 وهيلبسوكى نظارة بلاستك اول يوم بس عشان متدعكيش فى عينك طبعا انا اول ما روحت قلعتها واعدت عادى جدا واتفرجت على التلفزيوم واعدت ع اللاب مفيش اى مشكلة وهتحطى نوعين قطرة توبراتدكس مضاد حيوى وتيرز ناتشيورال ودى دموع طبيعية عشان هتحسى شوية ان عينك ناشفة ورحنا للدكتور اعادة يوم السبت تانى يوم العملية وقال تمام ومفيش اى ممنوعااااااااات اى استفسار انا فى الخدمة العملية اتكلفت 4000 ج وكان ممكن 3500 من غير البصمة البصمة دى لو مش هتسوقى بالليل هو قالنا لو ممكن تجيبو عربية وتسوقو بالليل يبقى اعملكو البصمة ودى هتزيد 500 ج وعلى فكرة دة اسمه تصحيح نهائى مفيش حد يقولك بقى ان ممكن نظرك يضعف كمان كم سنة ولا الكلام الفاضى دة هو بس بعد سن الاربعين طبعا هتلبسى نظارة للقراية والرز ودة ملوش دعوة بقصر النظر اللى احنا معالجينه انا كدة خلصت وبحخب اطمنكو ان بجد الموضوع مفهوش اى الم غير الم بسيط جدا بالجهاز اللى بيمسك العين ودى حاجة لا تذكر ادعولى لانى عرفت قبل الملية انى حامل ادعولى ربنا يتم حملى على خير معلشو طولت عليكم وجزاكم الله خيراااااااااااااااااااااااااااا
أم عصومى أم عصومى سوبر فتكات Fatakat 268148 المحلة – مصر
سبحان الله و بحمده