سلام عليكم
ازيكم يا احلى عرايس
ربنا يتمم لكم بخير وتكون ليلة العمر احلى ليلة فى العمر بجد
هقولكم عن تجربتى مع الكوافير (باربى) فى اغاخان اللى اتخدعت فيه للأسف
من يوم ما روحت احجز وعملت لى من البحر طحينة وقد ايه الميكب رائع ولفات الطرح ممتازة والحنة مع متخصصين وهكذا
اخترت الباكدج اللى بـ 750 جنيه وقعدت تقولى طرحتين تل هدية وبندانة ورسمتين حنة ورموش وضوافر و و و
الرموش اللى هى اصلا بت 3.5 والضوافر زيها تقريبا
المهم تحسسك انك مش هتحتاجى حاجة ولا هتلفى تانى هتروحى بفستانك وبس وتحسسك انها موفرة كمان
تعالى بقى يوم الحنة رسمتلى رسمتين حنة صغيرين معفنين اتمسحوا يوم الفرح الحمد لله لا قعدوا اسبوعين ولا حتى يومين
تعالى يوم الفرح تقولك انزلى اشترى لى حتة سفنجة بـ 10 جنيه الف بيها الطرحة
حتة سفنجة معفنة من اللى بنرميهم من الكراتين
المهم اختى نزلت جابتها ولفت لى الطرحة خلت اورتى كلها باينة وانا بكره كده وتقوليلها تزعقلك وتقولك هو انا مبفهمش ؟!
المهم لبست واى طرحة والسلام ولقت البوليرو داخل الفستان تقول ايه ده البوليرو يبقى بره ايه الغباء ده .. حسستنى انى متخلفة وطلعت البوليرو ويارتنى ما طلعته شكلى كان متخلف بمعنى الكلمة
الخصل كانت زبالة وحرقت لى شعرى المتخلفة لفت شعرى وقعدت تكمل شغلها ونسيته تقريبا
وفوق كل ده لو مش اديتيهم تبس ليهم يتريقوا عليكى ويخلوا شكلك زبالة
وكأن ده مش شغلهم وواخدين عليه فلوس
عايزة بس اقولك انه بيخدعك بشكل الباكدج بس لكنهم فى الحقيقة حرامية وكذابين وخامتهم معفنة مش زى ما بيقولوا خالص
حبيت بس احكى تجربتى وانصحكم وربنا يوفقكم يارب وكل بنوتة تستخير قبل ما تحجز عشان دى ليلة العمر ومش بتتعوض
سما حبيبه على سما حبيبه على 1034552_2.gif فتكات نشيطة Fatakat 1034552 القاهرة – مصر