بما ان بنات كتير اوووووى خايفه وبتسالى عن موضوع الغشاء ومدى ألمه انا حبيت احكى تجربتى عشان البنات تستفاد
و كمان لانى كنت بقعد افكر زيهم فحاسه بيهم
بس بالله عليكم اللى تقرا الموضوع تدعيلى دعوه حلوه و تدعيلى ربنا يقومنى بالسلامه انا والبيبى
الغشاء المطاط دا وبما انه اصعب الانواع ف فتحه يعنى اكيد هو اكتر نوع مؤلم للبنت
و طبعا انا كنت قريت قبل الجواز واتعقدت و خوفت واترعبت و كل حاجه ممكن تتخيلوها
بس لما تجربى بنفسك غير لما تقراى فعلا
اولا مفيش وجع زى اللى الناس بتتكلم عنه و الافوره دى انتى اللى بتتحكمى فكدا
يعنى لو خوفتى هتتعبى بس برضو تعب لا يذكر و مش مؤلم اوى
لكن لو بقيتى ريلاكس كدا هتلاقى كل حاجه عدت بسلام ومن غير وجع ان شاء الله
و اصلا حتى لو فى وجع زى ما قولت وجع مش مؤلم و تقدرى تستحمليه يعنى احنا ساعات بيحصلنا حاجات بتوجع اكتر
يعنى لو اتخبطى فايدك خبطه جامده هتوجعك اكتر من الموضوع دا
بالنسبه بقا لو الغشاء متفتحش ودا وارد جداااااااااااااااا و دا الاغلب االلى بيحصل ولا تقلقى ولا تحطى فبالك ابدا
بالنسبه للحمل هيحصل حمل عادى وهو مش هياثر فاى حاجه والدليل انى الحمد لله حامل دلوقتى و الغشاء مازل مقفول
و الدكتوره قالتلى هيتفتح مع الولاده عادى مفهاش اى مشكله
ليا رجاء بقا للناس اللى بتكتب مواضيع عن الغشاء والمه ووجعه بلاش بالله عليكى تخوفى البنات
لانه فعلا عن تجربه مفيش اى حاجه من اللى انتم بتقولو عليها دى و الموضوع سهل جدا واسهل من حاجات عاديه بتحصلنا كمان
وبلاش نبوظ على نفسنا يوم حلو زى دا بالخوف والقلق والكلام اللى بنفضل نسمعه ونقراه وهو كله غلط
و ربنا يرزق بنات المسلمين جميعا الزوج الصالح ان شاء الله و يومم الفرح يكون احلى يوم فحياتهم
ولو الموضوع عجبك واستفدتى منه حاجه بليز قيمى
moodydody moodydody 402038_1.gif سوبر فتكات Fatakat 402038 القاهره – مصر