الحمد لله وبفضله انا ولدت من أسبوعين ودى تانى ولاده ليا انا ولدت اول مره بنتى الأولى طبيعى لكن فى حملى ده كنت فى تالت إسبوع من التاسع ومرعوووووبه من الطلق وكنت بدعى ربنا إنه يرزقنى بساعه سهله وجييت لقيت المايه
بتاعه البيبى بدأت تنزل وبعديها بكاااام ساعه العلامه قلت اهلا استعنى على الشقى بالله لكن مافييش طلق كلمت الدكتور قالى تعالى فحص روحتله لقيت الرحم لسه قافل ضبه ومفتاح كتبلى على لبوس تحفيز الطلق انا أخدته فى المره الأولى كنت بلزق فى السقف من التعب لكن المره دى ولااااااااا الهوا استنيت كام ساعه ولا الهوااا جوزى يقولى مفيش مغص طيب اى حاجه قولتله ولااااا أى إندهاش روحت للدكتور تانى كان عندى كحه ببلغم جامده فحص قالى برده لسه
والراس بتاعه البيبى مرفوعه قوى قلتله بالله لو هتبهدل بالطلق الصناعى وفى الاخر ترسى على القيصرى يبقى نتوكل على الله بس كنت خايفه من الكحه مووووووت قالى هديكى بنج نصفى وانا بصراااحه كنت خايفه بس لانى واثقه فيه
جداااااااا قولتله نتوكل على الله روحت المستشفى ودكتور التخدير ماشاء الله ايديه كانت خفيفه وشوفت حلا حبيبه قلبى وهى لسه طالعه وقولتلهم مش حلوه زى اختها وقفلى الجرح واخدت مسكنات والحمد لله الولاده كانت سهله انا بتابع
فى حملى كله مع دكتور سامح القشلان دكتور قمه فى الأدب والأحترام والله يابنات وفعلا البنج يوميها ريحنى مخلنيش
كحيت لمده يومين وبعدها كتبلى على دوااا ملقتهوش نزل الدكتور بنفسه جبهولى ربنا يكرمه وكلمنا عشان نروح ناخده وانا
ولدت معاه المره الاولى برده هو عيادته فى مصر الجديده عند دار الاشاره وينات البنج النصفى مش مرعب وكلها تساهيل
ربنا أهم حاجه إنك تكونى واثقه فى دكتورك عشان يكون جايبلك دكتور تخدير شاطر انا كده خلصت إدعولى بقى ربنا
يحفظلى بناتى وينبتهم نباتا حسنا ويرزقنى برهم ياااااااااااااااااارب وأى استفسار عن أى حاجه انا تحت أمركم
قانته لله قانته لله 253219_1.gif فتكات رائعة Fatakat 253219 ابيتى يارب احفظهولى – مع احلى سمسم واطعم ديدا فى الدنيا
ممكن اعرف سعر الولاده كان كام