ازيكم يافتوكات
انهاردة عملت تونة فى البيت وطلعت تحفة من النهاردة لبعد بكرة انا قريت الطريقة هنا عالمدونة وطلعت جميلة بس للاسف مصورتهاش عالطبيعة لأنى خفت لتطلع وحشة
المهم نقول المقادير
كيلو سمك تونة او ماكريل
ثوم مفروم حوالى 4 او 5
توابل (ملح وشطة وفلفل وكمون)
4 ليمونات
خل
هنعمل ايه بقى
هنجيب سمك التونة ونضفه كويس ونشيل راسه ونتبله بالتوم والتوابل اللى عندنا
وبعدين نحطه فى مصفى ساعتين يصفى ميته
ونجيب حلة فيها مياه وعالبوتاجاز واول ماتغلى نحط المصفى عالحلة ونغطى المصفى ونسيب السمك يستوى عالبخار لحد ما الجلد يبدأ يتشقق كدا وتلاقيه طرى واستوى
تستنى لما السمك يبرد وتفتحيه وتشيلى الشوك وتفتيتيه حتت صغيرة فى علبة بلاستيك وتحطى عليه شوية زيت صغيرين واليمون وربع كوباية خل والتوابل وتقلبى وتقفلى العلبة وعالتلاجة عدل واول ما يجيلك مزاج هتلاقى احلى وانضف سمك تونة واى استفسار انا موجودة مواضيع هذا القسم برعاية
صابرة للنهاية صابرة للنهاية images/avatars/pacifier.jpg فتكات هايلة Fatakat 735302 القاهرة – مصر