السلام عليكم
ازيكم يا قمرات
انا حبيت افيدكم بتجربة ليا
انا متجوزة من سنة ونص الحمد لله بس قولت افيد باقى العرايس
انا روحت رنين فرع شبرا عشان اجيب ميكرويف
وبجد ماشاء الله كبير وجميل وكان زحمه اوى لان كان لسه افتتاحه
بس معرفتش اتفرج كويس عشان جوزى كان معايا
المهم هو الدور الارضى تحف ومرايات روعه مووووووووووووووووووووووت
وساعات وورد وحاجات كده مش ممكن وابجورات جميله كلاسيك
الدور الاول الحلل والبلاستيك وحاجات المطبخ كلها بصراحة عندهم كل حاجة واسعارهم حلوة وعندهم الاصلى والتقليد
الدور التانى الاجهزة الميكرويف اللى جبته جالنز 25 لتر بالشواية هو الحمد لله كويس لسه بقاله يومين
انما التلاجات معندهمش غير ايديال وتوشيبا
والخلاط اللى ب 100 ده تحفه جبت 2 لانى للاسف كنت جايبة فى جهازى كتشين ماشين وكان نوعه وحش
جبت الخلاط ده وجبت هاند بلندر مونليكس نازل عليها عرض ب 169
والمفروشات حلوة اوى اوى اوى وعندهنم جميع اسعار مفارش العروسة الرخيص والغالى
وعندهم ملايات بس مركزتش معاها بس الرخيصه ب 40 بس نوعها مش حلو
الحلوة ب 185 الاتنين
وعندهم مفرش السفرة التركى اللى كل العرايس بدور عليه بس مسالتش عليه بصراحة
وعندهم سفرات مودرن شيك اوى ورخيصه ب 1700 باين
اللى وحش اللحاف الرخيص خامته باين جدا انها وحشة ب 50 بس الناس رايحة تشتريه معرفش ليه مع ان باين انه وحش
ديه تجربتى ولو روحت تانى هبقى احكيلكم برضوا
المهم العروض ديه فى فرع شبرا بس
اه صح عندهم انواع ميكرويف كتير شارب ودايو وجاك بس انا كنت عامله ميزانيه فمحبتش اجيب الغالى بصراحة
ولو فى اى سؤال ابقوا قولولى
اه صح الدور الاول بتطلعوله بسلم متحرك عشان لو والدتك معاكى قوليلها متقلقش ان شاء الله
نسيت اقولكم ان المعامله هناك كويسة جدا جدا وكمان لو المنتج فيه اى عيب ممكن ترجعيه خلال 14 يوم بس يكون على حالته
وشوفت فعلا واحد بيرجع فرن التايمر مكنش شغال وبدلهوله عادى المهم تحتفظى بالبون
ناهد2017 ناهد2017 images/avatars/peppers.jpg فتكات غالية قوي Fatakat 115735 حضن جوزى ربنا يهدينا لبعض ويبعد عنا شر الحاسدين – الجيزة حاليا شبرا