السلام عليكم يابنات
انا قريت كتير فى المدونة ان المرمريه والبردقوش بيزودا التبويض
وانا الشهر اللى فات كانت بويضتى فى اليوم 11 حجمها 15
وقبل كده كانت 19
وقالتلى الدكتوره نبتدى ناخد كلوميد نزود التبويض
انا خفت لما جتلى البريود فى معادها قلت حاخد حاجات طبيعيه
جوزى كان جايب جنزبيل فرش علشان المناعه فى البرد ده
وقريت المرميه منشطه والبردقوش منظم للهرمونات
اخدت جنزبيل وقرفه اول يومين من البريود
وتالت يوم من البريود ابتديت اخد مره الصبح ومره بالليل
معلقه بردقوش ومعلقة مرميه على بعض ومايه سخنه انقعهم 10 دقايق واشربها وقلت زى الكلوميد بس ده طبيعى
اليوم 13 من البريود روحت اشوف التبويض طبعا الدكتوره اضايقت انى مجتش اخد منشطات وجايه ليه
قلتلها نشوف التبويض الشهر ده علشان لو ضعيف ابتدى الشهر الجديد
لقت المفاجاه
قالتلى انتى اخدتى منشطات من نفسك قلتلها لاء ابر برشام قلتلها لاء
قالتلى حجم البويضه كبير اووووووووى وقلبظت
بقت 30 ملى يعنى 3سم
قلتلها ازاى قالتلى معرفش بس هيه بقت كيس ومش حتنفع تتلقح
وقالتلى تجيلى وانتى عليكى البريود تاخدى منشطات قلتلها ازاى قالتلى لما نشوف حالتك
بصوا د حصل من الاعشاب
انا بنصح اللى عنده ضعف فى التبويض جامد او معندهاش خااااااااااالص تبويض تاخد زى ماقولت مرمريه وبردقوش
لكن اللى بيحصل تبويض عاجى بلاش
انا مش فاهمه ايه اللى حيحصلى وياترى كدا فعلا صعب الحمل الشهر ده؟
اللى جربت ترد عليا
ويارب اللى عندها مشاكل جامده تستفيد من موضوع بطريقه طبيعيه.
رموش2222 رموش2222 images/flowersavatars/avatar0011.jpg فتكات متميزة Fatakat 423911 cairo – egypt