السلام عليكم ورحمة الله وبركاته
ازيكم يا احلى فتوكات اولا احب اقول لكل واحدة بتعمل دعايا لدكتور وهو مش كفىء منها لله لانها بتأذى غيرها علشان ايه؟
ممكن تكون متفقة معاه او اى مصلحة تانية كانت فى عضوة عنها مش فاكراها كانت بتشكر جدا فى الدكتور ده واد ايه هو محترم ومتمكن والعيادة بتاعته (هادية( قصدها محدش بيروحله بس انا مفهمتش المهم انا روحتله وقاللى اعيد تانى تحاليل الهرمونات" المكلفة طبعا" روحت عملتها ومفيش حد فى عيادته وكنت مستغربة قاللى لازم نعمل اشعة تلفزيونية بالمحلول قولتله مانا عاملة اشعة بالصبغة وكانت كويسة قاللى دى لازم علشان نتاكد ان الرحم مفهوش حاجة والانابيب كويسة بصراحة مكنتش مقتنعة بس قولت هو دكتور قولتله هل فيها اى الم لانى كنت عملت الاشعة بالصبغة بالبنج وبخاف من اى الم
قاللى خالص مفيهاش اى الم وثمنها كان 250 جنيه وححدنا الميعاد كان من اسبوع فاتصلت بالمساعدة علشان اقولها تشغل الدفاية لان الجو كان برد فبتقوللى انتى هاتعملى الاشعة دى بالبنج ولا لاء قولتلها الدكتور مقاليش ان فيها بنج ولا لاء فسكتت انا استغربت فلما روحت وركب البتاع ده ودخل المحلول انا صرخت وقولتلو انا بتعذب ولما خلص ولسه هايعمل السونار النور قطع وقعدت ساعة كاملة منتظرة النور وعمل بعدها السونار وقاللى كويس المحلول عدى فى الانابيب بصراحة كنت مخنوقة منه اوى طيب مانا عاملة اشعة بالصبغة وكانت كويسة -قولتله ليه يا دكتور مقولتليش ان فيها الم قاللى"باستخفاف" عنق الرحم عندك زى خرم الابرة وهو اللى سببلك الالم" طبعا كذاب لانى كنت عاملة منظار جراحى واتعمللى توسيع بعنق الرحم المهم كان المفروض اننا نعمل تلقيح صناعى فقولت للدكتور اكتبلنا على المنشطات علشان التلقيح قاللى لاء لازم اعملك سونار اول يوم بالدورة علشان اتاكد ان مفيش تكيسات قولت لنفسى"ايه القرف ده" ازاى سونار ايام البريود قولتله يا دكتور مانا عاملة تحاليل fsh ,lh قاللى مش كفاية تعالليلى اول يوم وهاكتبلك على المنشطات قولت لنفسى ده اكيد علشان ادفع 150 جنيه ثمن الكشف تانى وطبعا مرحتلوش تانى -الاشعة اللى عاملهاى سببتلى الم شديد وبعده بيومين الم يروح وييجى حسبنا الله ونعم الوكيل وربنا ينتقم من اى واحدة تعمل دعايا لدكتور مش كفىء ويستغل الناس باسم حاجتهم للانجاب الدكتور ده عيادته فى ********************************-انا لن اسامحه
س م ع س م ع images/avatars/pacifier.jpg فتكات متميزة Fatakat 449623 القاهرة – مصر
سبحان الله و بحمده