اهلا بكل الاخوات
وصفة النهاردة من الحلويات الشهيرة وهي ( التارت )
هنقدموا بطريقة صحية بدون سكر مناسبة لمتبعي الحمية بغرض انقاص الوزن
بس مش معني انها صحية اننا ناكل منها كل يوم
لازم نراعي اني الحلويات تتاكل بكمية صغيرة وكل عدة ايام
المكونات
300 جم دقيق اسمر فاتح للمخبوزات ( ناعم) او دقيق اسمر غامق مخلوط مع دقيق ابيض عادي
30 جم دقيق قمح قاسي او سيمولا(دقيق خبز العيش البلدي)
نص معلقة ملح ناعم
6 ملاعق كبيرة زيت زيتون
50 جم زبدة بدرجة حرارة الغرفة
بيضة
لبن (الكمية علي حسب العجين)
بشر 2 ليمون او بشر برتقالة
للتزيين
300 جم مربي بدون سكر(علي حسب الرغبة) او نوتيلا (اختياري)
لوز او بندق او سوداني (اختياري)
(الوصفة بدون سكر ولا خميرة ولا بيكنج بودر)
الطريقة بالصور
هنضيف جميع المكونات في طبق العجن
دقيق اسمر متوسط للمخبوزات
اضافنا دقيق الخبز الاصفر الفاتح والبيضة والملح
ضفنا الزيت والزبدة وبشر الليمون
هنعجن المقادير بواسطة اضافة اللبن حتي تتماسك العجينة
ونتركها ترتاح نص ساعة علي الاقل
نفردها بالنشابة علي سطح املس علي شكل دائري
ندهن صينية التارت بمعلقة زيت زيتون
نضع العجينة في الصينية ونغرزها بالشوكة ونقص الزوائد ومن الزوائد نعمل شرايط او اشكال نزين بيها التارت
ودي خطوات تزين الوجه
دي ايد كارلا صاحبتي الايطالية اللي علمتني الطريقة بس في التزيين ساعدتني علشان نقدملكم شكل حلو
ممكن من نفس العجينة نعمل بسكوت باستخدام قطاعات باشكال مختلفة
توضع في الفرن حوالي 30 دقيقة علي درجة 200
يارب تكون الوصفة عجبتكم
وبالهنا والشفا
مواضيع هذا القسم برعاية
قلب ايطالي قلب ايطالي 575927_10.gif سوبر فتكات Fatakat 575927 احلامي الجميلة – في قلب جوزي