السلام عليكم
انا ليا واحده صحبتي اوي دي كانت بتصلح موبايلها عشان السماعه كانت بايظه
المهم صاحب المحل بوظلها الشاشه الاصليه بتاعت الموبايل والفلاته الاصليه
وقالها هصلحالك قالتله ماشي
وهو كان يعرف بنت خالتها وصحابها لان السينترال ده كان جنب كليتها وكانوا زباينوا على طول
دفعها مره 50 جنيه في حاجه تافهه
وبعدين قالها ان الفلاته والشاشه تمنهم 350 جنيه قالتله ازاي باظوا قالها ولا يهمك هعملهملك
ومش هاخد حاجه
المهم فضل ياخد منها 50 في 100 في 100 والموبايل فضل عنده اكتر من شهرين وكل اما تسال عليه يقولها نسيته اولسه مصلحتوش ويتحججلها بحجج
هي قلقت منه وحاست انه بينصب عليها
المهم رجعلها الموبايل وهو متبهدل والشاشه نصها مكسور وقالها دورتلك في المحلات كلها على شاشه ملقتش قالتله انا ازاي هدفع 150 على شاشه مكسوره قالها دي مش مكسوره انا جايبها جديده بس مش مظبوطه عندك وخليها معاكي مؤقتا لحد ما الاقي شاشه تانيه
المهم صاحبتي دي قلقت من كلامه وحاست انه نصاب قالتله انا هاخد الموبايل بس هدفعلك ال150 كمان يومين عشان مش معايا دلوقتي قالها عادي ولا يهمك هاتيهم في اي وقت
طلعت من عنده راحت شركه موبايلات كبيره قالولها ان الفلاته مش اصليه وتمنها ميعديش ال50 والشاشه مستعمله ومكسوره وبايظه
هي طبعا انصدمت اول ماسمعت الكلام ده لانها دفعت اكتر من 300 جنيه وناقص كمان 150 جنيه انا اسفه اني طولت عليكم بس مش ده المهم
المهم اول ماروحت كلمت وهزقته وقالتله انت نصاب قالها هاتي الموبايل ارجعلك حاجتك واخد حاجتي قالتله بعد ايه انت عايز تنصب تاني بيتهيالي كفايه عليك الفلوس اللي انت خدها
وقفلت السكه في وشه
فبعتلها مسج قالها انا مش مسامحك على ال150 بتوعي وربنا يبليكي بمصيبه وانا مش مسامحك
هي اضايقت اوي انه زباله اوي كده وحرامي وكمان بيعمل كده وبيتمسكن وعامل مظلوم
وبعدها بعشر دقايق بعتلها مسج يقولها هيجي يوم واعرفك ان ال150 دول هتدفعيهم 300 وعلفكره انتي ليكي عندي حاجات احسن من ال150 يا ابله وتحدي سلام
هي قرت المسج ده واتصلت بيا وكانت قلقانه اوي
صحبتي دي قويه اوي بس هي مش مرتاحه للمسج اللي هو بعته وخايفه تكون كانت سايبه صور ليها على الموبايل و هو خدها وهيعمل بيهم حاجه
وهي قلقانه اوي عشان هو انسان مش كويس ومش عارفه تعمل ايه
انا كمان قلقانه احسن يكون خد فعلا صورها وهيعمل بيهم حاجه لا قدر الله ياذيها بيهم
وهي مش عارفه تعمل ايه انا حكيتلكم الموضوع كله عشان تكونوا فاهمين
ياريت تقولولي هي تعمل ايه في الموقف ده وادعولها ان يكون تهديده ليها يكون فاشوش
انا بجد اسفه اني طولت عليكم
صحفيه مبتدئه صحفيه مبتدئه 449531_2.gif فتكات نشيطة Fatakat 449531 شبين الكوم – مصر
سبحان الله و بحمده