صباح الفل ياحبايبى النهاردة حانعمل غدا سهل و سريع و فيه شوية تجديد
صورة للاغراء
لحمة فيليه مقطعة شرايح طويلة حسب عدد عيلتك
بصل مقطع جوانح / ملح و فلفل اسود
فلفل رومى شرايح [ ممكن كمان فلفل الوان ]
كريمة طهى جهينة [ انا مش كان عندى غير كريم الحلويات ] بتنفع برضه
للمكرونة
مكرونة اسباجيتى او شريط مسلوقة
2 كوب بقدونس مقطف / 5 فصوص توم مفروم
ملح / فلفل / زبدة / جبنة رومى مبشورة
اول حاجة بنشوح الحمة فى الزبدة لحد ما تنزل ميتها و تشربها و نضيف عليها البصل
و بفضل نقلب فيهم لحد ما يدبل البصل
و نضيف الفلفل و نكمل تشويح و كل ده على نار هادية علشان اللحمة تستوى من غير ما نضيف ليها ميه خالص [ هى حا تستوى لانها فيليه ] لو قطعية لحمة تانية لااااازم نضيف ليها ميه علشان تستوى
و نضيف الملح و الفلفل و نضيف الكريمة و نقلب
و نسيبها تغلى غلوتين لحد ما تتجانس و نطفى عليها
نشوح التوم المفروم فى زبدة لحد ما يصفر بس و نضيف عليه البقدونس المفروم
و نضيف ليها المكرونة و الملح و الفلفل و نقلبها كويس
و نغرف الغدا بقى و نرش الجبنة الرومى على المكرونة …. شوفتم خلص بسرعة ازاى
انا قدمت معاه شوربة لسان عصفور
و انا قدمت معاهم كنافة بالبلح علشان احنا كنا صايمين قبل العيد و عايشين دور رمضان
انا كده خلاص عملت الغدا و الحلو اهو فى نص ساعة قدامكوا اهو يلا بقى ورونى شطارتكم مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر