السلام عليكم يا احلي فتوكات
النهارده عملت بيتزا و طلعت حلوه اوووي قولت لازم اقولها لفتوكاتي حبايبي
و هي سهله خاااااااالص
الاول مقادير العجينه :
2 و نص كوب دقيق
ربع كوب زيت
ملعقه كبيره خميره فوريه
نص ملعقه كبيره بكنج بودر
3 معالق لبن بودر
ملعقه صغيره ملح
ماء للعجن علي حسب طبعا بس انا استخدمت حوالي تلتين كوبايه مايه بس زودي شويه شويه لحد ماتوصلي للقوام المناسب عشان ما تطراش منك
هانحط كل المكونات دي مع بعض و نعجن كويس خاالص
و نغطيها و نسبها لحد ماتخمر انا بسبها في الفرن و هو مطفي طبعا عشان الدنيا شتا دلوقت
و سبتها حوالي ساعه
بعد كده قسمت العجينه ل 3 اجزاء تلتين عملت بيهم صنيه و الباقي عملت منه 3 ميني بيتزا
هانرش دقيق علي الرخامه و نفرد العجينه بالنشابه و السمك علي حسب انتي عاوزاها تخينه و لا رفيعه
كده العجينه جاهزه عشان تحطي عليها الحشو
انا عملته اثناء ماهي بتخمر اختصارا للوقت
جبت ايه بقي ؟؟
فلفل اخضر مقطع حلقات
زيتون اسود مخلي و مقطع حلقات
طماطم مقطعه مكعبات صغيره
الصوره مرضيتش تنزل
كميه من الجبنه الرومي المبشوره
و جبنه موتزريلا و ده علي حسب رغبتك
و عملت صلصه عشان ادهن بيها الاول و هي سهله جداااا
انك تعصري طماطمتين او ثلاثه في الخلاط و تصفيهم بمصفايه و تحطيهم ع النار مع حته سمن صغيره لحد ما يتسبكو وتحطي عليهم ملح و فلفل و زعتر بيديها ريحه جميله
و عملت كمان عصاج لحمه و ده طبعا براحتك ممكن بلاش لو عاوزاها مرجريتا
و العصاج طبعا معروف بصله مبشوره وتحطيها ع النار و تصفر تحطي اللحمه المفرومه و توطي لحد ما تستوي و انا حطيت معلقه صلصه كمان و زودت شويه ميه عشان تستوي كويس اوي
كده كل حاجه جاهزه
نحط العجينه في الصينيه وندهن الصينيه زيت
و ندهن العجينه بالصلصه
و بعدين نحط اللحمه و بعدين الطماطم و الفلفل و الزيتون
و نرش الجبنه الرومي و الموتزاريلا
ونكون مشغلين الفرن قبل مانحطها بعشر دقايق
و هانحطها تستوي و مش هاتاخد وقت يعني من 10 ل 15 دقيقه علي 180
و بعدين تشغلي الشوايه دقيقتين عشان الجبنه تسيح كويس
و بالهنا والشفا و ده شكلها بعد ماطلعت من الفرن
وده الميني بيتزا نفس خطوات البيتزا بس اصغر في الحجم
ويارب تعجبكم و انا عاوزه بقي دعوه حلوه ان ربنا يشفيلي خطيبي و يجمعني بيه علي خير و يخليه ليا مواضيع هذا القسم برعاية
ريمو المصريه ريمو المصريه 422402_2.gif فتكات ست الكل Fatakat 422402 مصر – مصر