منورين موضوعى يا احلى فتوكات
من غير رغى كتيير
دى مقاديرى فى عجينة البيتزا .بتبقى هشة اوى ودايما بتظبط معايا الحمد لله
4 كوب دقيق +باكيت خميرة فورية +ربع كوب زيت زيتون او زيت ذرة +علبة زبادى صغيرة +معلقتين لبن نيدو +معلقة سكر +معلقة ملح +معلقة توم بودر وبصل بودر وزعتر ( اختياارى ) بس بيبقى طعمها تحفة بيهم
اول حاجة بجيب الخميرة واضيف عليها معلقة سكر وشوية مياة فاترة واقلبهم وبعدين اغطيها واسيبها تخمر ..الخطوة دى مهمة عشان تضمنى ان الخميرة كويسة وهتخمر ولا لا
بعدين اجيب كل المكونات الجافة مع بعض واقلبهم واضيف الزبادى والزيت وحبة حبة اضيف المياة لحد ما تتلم معايا والاسها بحطها فى الفود بروسيسور بيبقى فيها سلاح للعجن بتسهل كتييير
وتغطيها بكيس بلاستيك نظيف وتسبيها تخمر فى مكان دافى لمدة 3 ساعات على حسب الجو
ودى بعد العجن وقبل ما تخمر
وكدة خمرت
وكنت عاملة واحدة بالكابوريا
وواحدة بشاورما الفراخ
والتزيين زى ما بتحبو انا بحب عليها بصل
دى اللى بالكابوريا
ودى بالفراخ
ودى اما طلعت من الفرن ..قصدى اما اتاكلت
وفاض حتة عجينة حشيتها جبنة دومتى وعملت منهم مينى بيتزا لبنتى
مواضيع هذا القسم برعاية
بحـــ محمد ـــبك بحـــ محمد ـــبك 437433_192.gif فتكات ست الكل Fatakat 437433 fe ♥ habiby – مصر