السلام عليكم ورحمه الله بركاته
عملتلكم بيتزا من مطبخي وبالصور كمان
وده صورتها وهقولكم علي المقادير والطريقه حالا
المقادير
1- كيلو دقيق
2- 2 زبادي
3- خميره بيره او فوريه(بس لو فوريه تكون الباكوات الربع كيلو مش الكياس الصغيره)
4- زيت زيتون او حسب الرغبه(اي زيت تفضليه)
5-ملح المقدار اللي انتي عاوزاه بس انا بحط معلقتين
6-معلقه كبيره محسن بيتزا او معلقتين شاي
7-طماطم – فلفل الوان او اخضر حسب الرغبه -زيتون – جبنه رومي – موتزاريلا
الطريقه
اول حاجه لو هتجيبي خميره بيره (اللي بتبقي قوالب القالب ربع كيلو)
وتحطي قطعه مقدار ملعقه كبيره وتحطي عليها ملعقه صغيره سكر وشويه ميه صغيرين ماء ساخن
وتقلبيهم كويس وتركنيهم علي جنب 10 دقائق او لحد ما حجمها يتضاعف
لو هتستعملي الخميره الجافه
هتحطي كل المقادير الدقيق والملح والمحسن وتقلبيهم وبعدين تحطي الزبادي والزيت وتقلبي كويس
بعد كده تحطي كوب ونص ميه وتعجني كويس وزودي ميه ببطء لحد العجينه ما تخرج من ايدك
وبعدها قسميها 4 او 6 حسب الحجم اللي انتي عوزاه
وده شكلها
غطيها كويس بكيس بلاستك وحطيها في مكان دافي عشان تخمر
هتاخد من ساعتين لتلات ساعات
انا بسيبها اكتر من كده عشان تاخد راحتها
وده شكلها بالكيس
وده شكلها بعد ما خمرت
تاخدي كل قطعه وترشي شويه دقيق علي الرخام وتعجنيها وتفرديها حسب المقاس اللي انتي عاوزاه بس متكونش رفيعه قوي
بعد كده تحطي شويه زيت في الصينيه وعليها رشه دقيق وتحطي البيتزا فيه وتسيبيها لحد ما تخلصي الكميه كلها
وبعد كده تحطي الاضافات
الطماطم
الصلصه
وهي عباره عن طماطم مضروبه في الخلاط ومصفياها من البذر والقشره وعليها نص ملعقه زبد وسبتها علي النار لحد ما خست النص
الفلفل الاخضر او الالوان حسب الرغبه
وبعدين تحطي الاضافات ده كلها وطبعا متنسيش الزيتون
وتحطيها في فرن عالي شويه مده 10 دقائق او لحد ما تعلا معاكي
وبالف هنا وشفا علي قلوبكم
لو عجبتكم ياريت تقيمو
بليييييييييييز التقيم يا بنات مواضيع هذا القسم برعاية
نيفوو نيفوو images/lettersavatars/e.gif مشرفه عامه لأقسام الدردشه Fatakat 213634 …………………. – مصر