انا كنت قبل ادان المغرب بشويه بعمل قهوه عربي كان جوزي طلبها متاخر ان اعملها مع الفطار، وهو خرج كان راح يجيب حاجه،
وانا في المطبخ رحت اعملها وشويه رودي قعدت تعيط وسبتها بس مسكتتش وعماله تبص عليا عايزاني اشيلها ، فانا في الاخر عشان تسكت قمت شلتها وكنت انا وقتها بصب القهوه في الترمس بعد مااتعملت ،، وكنت حاطه مصفاه صغيره علي الترمس بصب فيها القهوه عشان تتصفي من الهيل(حبهان) والبن العربي وهي بتتحط في الترمس،، وبعد ماحطيت القهوه في الترمس ،،، والمصفاه الصغيره اللي فيها الهيل والبن فوق الترمس،، رودي بقه فجاه مدت ايدها ولمست الهيل اللي في المصفي والهيل كان سخن. فاتلسعت طبعا وصباعها احمر فحطيت لها عسل عليه،، سمعت ان كويس للحروق
وبعدين بقه من ساعتين لقيت ان صباعها مكان اللسعه عمل زي البالونه كده
،، متوقعتش يحصل كده لان هي متلسعتش من زيت ولا وقع علي ايدها ميه سخنه،، ده بس لمست هيل سخن..
المهم فمش عارفه بقه اعملها ايه كاسعفات اوليه،، وخايفه احط كريم حروق يكون مينفعش للبيبي ولا اوديها الدكتور بكره ولا مش مستاهله وهتفش لوحدها ولا ايه
جيجي خالد جيجي خالد 695898_4.gif فتكات نشيطة Fatakat 695898 Jeddah – KSA