السلام عليكم علي احلي فتوكات
انا طبعا عمري ما كنت اصدق ان انا اكتب موضوع عن الحمل وقريب اوي واللي يعرفوني كويس في المنتدي مش هيصدقوا ابدا اللي انا بكتبه .
انا هبدالكوا الاول ان انا طبعا بقالي سنتين متجوزة ممكن ما يبقوش كتير بس ربنا وحده اللي يعلم عدوا ازاي روحت فيهم لدكاترة كتير جدا .وانا كانت مشكلتي ضعف التبويض وعدم انتظام الدورة .واخيرا روحت لدكتور ربنا يكرمه يارب اسمه محمد ولاء الديب .
انا هحكي ليكوا اللي حصل في الاخر سيبيكوا من كل اللي حصل قبل كده.
انا في شهر 4 روحت لدكتور ولاء اداني دواء تنشيط حقن مينوجون ومريونال وابر تفجيرية واخدهم وخلاص وقالي هنعمل تحليل هرمون التبويض فلقيته 13 عملت موضوع والبنات طمنوني واستنيت معاد الدورة اللي في 5 وفعلا والله يابنات اقسم بالله ان يوم 5/5 نزلتلي الدورة عادي 5ايام كان دم بني وبعد كده احمر عادي جداااااااااااااااااااااااا كلمت الدكتور علشان اخد معاد اروحله اشوف هيديني دوا ايه فقالي لا احنا هنريح الشهر ده شوية علشان مفعول المنشطات لسه في جسمك .وعادي بقه عدي الموضوع كنت متضايقة الاول علشان هيعدي الشهر كده من غير ما اعمل فيه حاجة وبعد كده سيبتها علي الله .واستنينا لمعاد التبويض وكان بيحصل معاد الجماع في الوقت اللي احنا عارفينه بتاع التبويض عادي جدا .وما كنش قالي اعملي تحليل تبويض ولا حاجة بس انا قلت هعمل اشوف نظام الهرمون ايه فلقيته 1 قلت يلا هو نصيب بقه والهرمون هيفضل قليل طول ما انا مش باخد دواء بس الحمد لله انه كويس في التنشيط .
المهم بعدها سافرت عند اهلي في طنطا وخرجت من عندهم روحت مصر ورجعت من مصر علي اسكندرية وتنطيط بقه ما قولكوش .
جيت بقه وانا مسافرة تعبت جدا وترجيع وتعب ومش قادرة خالص ولما رجعت تعبانه بشكل فظيع وكنت هروح لدكتور باطنة اشوف ايه الحكاية كان في بالي ان المشكلة تبقي من القاولون . بس كان اخر حاجة في باللي اني اكون حامل .
وجيت اسكندرية طبعا الدورة ما نزلتش ماهو التبويض قليل بقه .فكلمت البنات اللي في عيادة الدكتور قولتلها ان الدورة متاخرة فقالتلي البنت استني يومين وكلمينا نديكي حاجة تنزل الدورة بس اعملي التحليل فقولت طب ما هو زي كل مرة ايه الجديد يعني ما انا الدورة اصلا بتتاخر .المهم اشتريت التحليل وعملته والمفاجاة بقه ان لقيت الخطييييييييييييييييييين استغربت جدا وما صدقتش طبعا .
كلمت جوزي في شغله ساب شغله وجه علي طول روحت عملت التحليل طلع ايجابي ما قولكوش علي الفرحة يابنات .بس ما بقيتش فاهمة ايه اللي بيحصل .
والنهارده روحت للدكتور فاول ما دخلت قالي هنعمل سونار ونشوف ايه الاخبار عارفين يابنات لقيته بيقولي ما شاء الله انتي حامل في 7 اسابيع تخيلوووووووووووووووووووووووووووا فانا طبعا تنحت انا وجوزي وقولناله ازاي دي اخر دورة ما عداش شهر عليها فقعد يفهمنا وقالي ان الدورة اللي فاتت اللي بقوله عليها دي ما كنتش دورة ده كان زي اجهاض منذر بيحصل لاغلب الناس في اول الحمل وان انا افتكرتها دورة لما لقيتها كتير زي دم الدورة .
وان الحمل اصلا باين جدا في السونار ولما سالته علي هرمون التبويض اللي طلع 1 قالي مانتي عملتيه كان خلاص الحمل حصل اصلا في الشهر اللي قبله فطبعا لما الحمل حصل خلاص فلازم ما كنش يحصل تبويض الشهر اللي بعديه تخيلوا يابنات . ووراني الحمل علي السونار والله ياحبايبي ياااااااااااااااااااااااه علي الفرحة يااااااااااااااااااااااااااااااااااه علي كرم ربنا .اده ربنا كرييييييييييييييم ورحييييييييييم اوي اوي بعباده الف حمد وشكر ليك يارب .
الحمد لله يابنات الحمل بيبقي في الاول وفي الاخر بفضل ربنا سبحانه وتعالي وطبعا الحاجات اللي مشيت عليها في الاخر قيام الليل والاستغفار وصلاة الفجر والصدقة واهم حاجة يابنات الدعااااااااااااااااااااااااااااااااااااء سحر والله سحر .
وطبعا ان الواحد يختار الدكتور الصح اللي يبقي عارف هو بيعمل ايه كويس .
بصوا يابنات زي ما دعتولي بالحمل ادعولي ربنا يثبتهولي ويكملي علي خير وانا مش هنساكوا ابدا والله في دعائي وهستمر علي صلاة القيام والفجر والدعاء ليا وليكوا وكل مستاق يارب .
marmar_f marmar_f 340492_1.gif سوبر فتكات Fatakat 340492 الاسكندرية – مصر
سبحان الله و بحمده