بسم الله الرحمن الرحيم بمناسبة عيد الاضحى المبارك خلينى الاول اقولكم كل سنة وانتم طيبين ثانيا نخش فى الموضوع على طول
المقادير:-
1- فخدة بتلو
2- خضار مشكل
3- ثوم
4- 5 ليمون
5- 3 علبة زبادى
6- معلقتين ملح
7- معلقتين فلفل اسود
8- ثلاث بصلات
الطريقة :- تتبل الفخدة بالثوم والليمون والملح والفلفل ثم تترك من الليل للصبح يعنى لو عايزة تعمليها اول يوم العيد لازم تسبيه من يوم الوقفة بالليل وبعدين بعد ماتيجى من الصلاة تتبليها بالزبادى وتحطى عليها ورق فويل وتدخليها فى الفرن لمدة ساعتين بس شهلى شوية لحسن الراجل يزعل انتى عارفها انه بيجى من الصلاة جعان
المهم نرجع لموضوعنا وبعدين تسلقى الخضار وتحطيه على الفخدة وتسبيها لمدة ساعة كمان فى الفرن
وبالهنا والشفا مواضيع هذا القسم برعاية
ام عبد الرحمن عمرو ام عبد الرحمن عمرو فتكات جديدة Fatakat 754607 الاسكندرية – مصر
سبحان الله و بحمده