السلام علكم ورحمة الله وبركاته
اسفة انى مانزلتش الموضوع امبارح
وده لسببين مهمين
اولا كنا صايمين انا وجوزي وبالتالى اكلنا متأخر
ثانيا انى كان عندى مقابلة مع الفتوكات الحلوين فى الرياض عشان كده مالحقتش انزل الموضوع
نخش على المهم
وكالعادة نبدأ بالصورة
عملت كفتة مشوية وخضار سوتيه بطريقة مفتكسة وسلطة بنجر
ايه رأيكو بقى؟؟؟؟؟؟؟؟؟؟؟؟؟؟؟؟
بالنسبة للكفتة هاتى لحمة مفرومة منغير دهون تقريبا وماتخافيش مش هتفك عشان هانحطها فى الفرن مش اسياخ
وبعدين بصلاية و3 فصوص توم مفرومين وبقدونس مفروم وفلفل احمر واخضر رومى والتوابل اللى تحبيها والملح
واخلطيهم كويس وسيبيهم شوية يرتاحو فى التلاجة وبعدين طلعيهم وصبعيهم
وده شكلهم قبل ماحطهم فى الفرن
لما طلعت الكفتة بعد حوالى نص ساعة كنت محضرة فحمة مولعة حطيتها فى فخارة صغيرة وحطيتها فى الصينية فى وسط الكفتة وعليها حتة سمنة وقفلت على طوووووووووووووووووووووووووووول عشان تبقى مشوية على حق
نيجى بقى للخضار
جبت طاسة تيفال حطيت فيها نقطتين زيت زيتون وفصين توم مهروسين
وده شكلها
بعد ماصفر التوم حطيت عليه كيس خضار مشكل لسه خارج من الفريزر حالا وقلبت وده شكله
وبعدين وطيت وسيبته ينزل ميته وبعدين تبلته بفلفل اسود وكارى وقرفة وحبهان وورق لورى وسيبته لحد ماستوى وبقى يجنن
اخر حاجة سلطة البنجر
جبت بنجر وسلقته وقشرته وقطعته وحطيت عليه فص توم مهروس وكمون وملعقتين خل وشوية زيت زيتون
وكل ماتسيبى البنجر فى التتبيلة اكتر بيبقى طعمه احلى
انا كده خلصت
واللى مش هايرد عليا ويدعيلى دعوة حلوة هازعل منه اوى اوى اوى
بس برضه بحبكم وهانزلكم باقى الايام ان شاء الله
فى رعاية الله
مواضيع هذا القسم برعاية
dr_nana dr_nana 58181_1.gif فتكات رائعة Fatakat 58181 Ar Riyadh – KSA