بمناسبة العيد طريقة عمل الفخدة الضانى
الاول نخليها من العظم كده
ثانيا طريقة الربط-
و الان التحضير
المقادير
اربع او خمس بصلات
(ثلات حبات بطاطس – وفلفل احمر رومى- بصلتين ترنشات )
علبة زبادي 200 جرام
ملعقتين صلصه
ملعقتين مستردة
2 مكعبات فاين فود فوري
ملح فلفل جوزه الطيب خلطه بهارات حسب الرغبه
الطريقة
بخلط البصل مع الزبادي مع البهارات والصلصه والمسترده والفاين فود كله وبفرك فيه الفخده وبحاول اني اشك الفخده عشان ادخل فيها الخلطه … وبسيبها متبله من باليل في التلاجه متغطيه كويس مع عدم وضع الخضار معاها الا في نفس يوم التسويه خصوصا البطاطس عشان متسودش
تاني يوم بضيف عليها الخضار تحت الفخدة ومنساش نتبلهم بالملح والفلفل والكمون… وبزود عليها كبايتين ميه وبغطيها كويس بورق فويل او بحط عليها صينيه تلبسها وتقفللها حسب المتاح
براعي اني ادخل الفخده في الفرن والفرن سخن اوي… عشان الحمه متكش … وتفضل محتفظه بحجمها وميتها …. وبسيبها في الفرن على نار هاديه من ساعتين ونص لثلات ساعات .. وفي الاخر بكشف الفويل عنها وبحمر الوش
بعمل جنبها رز بالشعريه … وسلطه زبادي بالخيار او سلطه خضرا
و بالف صحة و هنا
و اذا عجبتكم يا ريت تقيموني
معلشى انا طماعه
والدعاء بالذريه الصالحه مواضيع هذا القسم برعاية
tota love ahmed tota love ahmed 292212_22.gif فتكات غالية قوي Fatakat 292212 دبى – الامارات