السلام عليكم يا فتكوتااات
النهارده علي الظهر كنت بتفرج علي برنامج دكتور محمد اوز
و كان بيتكلم علي موضوع التحليه الصناعيه الخاليه من الكالوريس
زي السكر الديت ( بتاع الرجيم ) و الصودا الديت الي مجوده في المشروبات الغازيه
كان بيتكلم انها بتعمل مشاكل في القولون و الامعاء و ممكن المشاكل بتاعت الامعاء يترتبط عليها سرطان ربنا يعافينا
و انها مش بتعمل رجيم بالصوره الي متخيلنها و لكنها بتعمل الكرش و بتنهك المثانه و بتجيب اسهااال و و بتعمل سيدروم ( متلازمه ) معقده اضراها ارتفاع ضغط الدم و حاجات تانيه ملحقتش اكتبها
و حذر من الصودا الديت نفس الاضرار
و مش بس السكر الديت الي بنشتري و لكن بيكون موجود في منتجات كتير اووووي في الحلويات مثلا
عشان كده لازم تقرو الي مكتوب علي العلبه او الكيس لو في كلمه ( nitol) يعني في السكر الصناعي تجنبو
و اتكلم بردو عن الزبده الي مفيهاش كلوريز ( بدون سعرات حراريه ) مضرره جدااااااا و بتجيب الزهايمر و البوب الكورن الي هو الفشار الي بيتحط في الميكروف بردو مضرر اوووي
و قال البديل :
لو مش قدره تبطلي السكر الديت يبقا حاولي تقللي تماماااا يعني كيس سكر واحد ديت في اليوم رغم انو مش مستحب اصلاا
و في بديل نبات اسمو ستيفيا ده طعمو عامل زي السكر و بدون كالوريز و مفيد و طبيعي و اعتقد نلاقي في مصر في السوبرماركات الكبيره
بس بردو مش معني كده استعمال علطووول ميزدش عن 3 او 4 معالق فقط في اليوم
و الدكتور اتكلم بردو عن العسل الاسود و انو مفيد و ربع كبايه تقريبا يعتبر الكالوريز مش عاليه اوي و طبعا غير انو مفيد
و ياريت نبعد عن اي حاجه حلوه ولا شبسي و لا كيكه مغلفه مكتوب عليها من بره ان فيها سكر او مواد صناعيه عشان في الغالب بيكون فيها مكونات ضاره
متنسوووش تقيمو الموضوع بالله عليكم عشان كلو يستفييييييد
و جزاكم الله خيرااا
noor el rahman noor el rahman 265277_59.gif فتكات ست الكل Fatakat 265277 cairoooooo – egypt