السلام عليكم ورحمة الله وبركاته
عاملين اية يااحلى فتوكات يارب تكونوا بخير
كل سنة وانتم طيبين
انا بكتبلكم من المستشفى والله
ويارب اللى حصلى ميحصلش لاى حد
انا بقى حقولك اخرة الزعل بتوصل لاية
يوم الاحد باليل اللى هو فجر وقفة عرفات
جوزى زعلنى واتخنقت معاه وبقيت اعيط جامد اوى اوى
وبعدها كلمت ماما وكنت متعصبة وقعدت تهدينى
بعدها قمت اتسحرت وصليت الفجر وقعدت اقرا قران وادعى ربنا
قلت استحمى وانام بقى
قمت استحمى لقيت لون غريب كدة فى البانيو قلت اية دة
قفلت الحنفية علشان اتاكد من اللون
وقعدت على الحمام قمت لقيت دم اترعبت
صحيت جوزى قالى متخفيش
ونمت وانا مرعوبه
وطول ماانا نايمة احس بشد فى بطنى
جيت على الفطار بعده نزلت انا وجوزى رحت الطوارى
راحت الدكتورة قالتلى وجع ودم يبقى تتحجزى
قلتلها لا بالله عليكى احنا داخلين على عيد
قالتلى تريحى وكتبتلى علاج
وقالتلى لو حصل اى حاجة تييجى ان شاء الله
روحت لقيت بعد شوية لون غريب فى الحمام
رحت محضرة هدومى وجوزى اخدنى اتحجز
طبعا كانت دكتورة الطوارى مشيت وجت واحدة تانية
اتحجزت وقلتلها اخدت العلاج دة اللى الدكتورة كتبته
قالتلى محلول قلتليها لية
قالتلى خلاص دخلت وفضلت قاعدة صليت الفجر والعيد ونمت
صحيت على 1 ولقيت لون غريب تانى فى الحمام
وجوزى للاسف كان مشى وانا لوحدى
وقعدت اقول للمرضات عايزة دكتورة
جت الدكتورة راحت قالتلى محلول وتاخدى حقن فى الوريد وانا عماله اعيط
ركبت واخدت العلاج
شوية وقلت للبنت فكى المحلول ادخل الحمام وكنت عايزة اصلى والاقى ايدى عماله تنزل فى دم
والممرضة تقولى متخفيش
صليت الحمد لله وبعدها جوزى جة
والدكتورة قالت هى عدها ضغط عصبى ونفسيتها تعبانة
وقالتلى حتتحجزى ومش حنروحى النهاردة
وانا قاعده اهوه
شوفتوا بقى الزعل عمل اية
بالله عليكم امسكوا اعصابكم
وادعولى ميحصلش اجهاض واخر من المستشفى على خير بالله عليكم
انا حصلى اجهاض قبل كدة واتبهدلت
انا فى الشهر الخامس بس شوفتوا الزعل وصلنى لاية
ربنا يسعدكم يارب
ادعولى بالله عليكم
عاشقة خطيبها عاشقة خطيبها فتكات ست الكل Fatakat 382379 شرايين حبيبى – قلب خطيبى
سبحان الله و بحمده