السلام عليكم
انا عندي بنوتة عمرها حاليا 5 اسابيع دايما بتبكي بصوت عالي جدا وبدون توقف حتي وهي بترضع بتسيب الرضاعة وتبكي لاحظت ان الريح بيتعبها لما بيخرج وبتتألم جامد منه مع ان الدكتور اداني ليها دواء اسمه سايميديل للانتفاخ والغازات ومع ذلك انا حاسة انه مش عامل نتيجة قوية … انا ام لاول مرة ومش عارفة اتصرف معاها هي صغيرة قوي وبتبكي بشدة وبتصعب عليا لما مش بعرف اعملها حاجة .. انا شربتها كراوية وينسون وبيبي درينك بيهدوا معاها شوية وبعدين بيرجع العياط تاني وكمان مش بترضى تنام في السرير وتسكت مجرد اني اشيلها من على رجلي بتبكي ومش عايزة تنام ع السرير حتى لما بتنام عليه بتصحى بسرعة لكن وانا شايلاها بتفضل فترة كبيرة نايمة … يا ريت تساعدوني انا تعبانة فعلا مش عارفة اعمل اي حاجة في البيت منها …
أم اشرقت أم اشرقت images/avatars/pacifier.jpg فتكات نشيطة Fatakat 852207 سوهاج – مصر