السلام عليكم حبيباتى عضوات فتكات أجمع
أنا أول مرة أكتب موضوع فى مدونة الطبخ كنت زائرة وبس لكن دلوقتى
وزى ماقريتوا العنوان كدة أنا ولله الحمد باعرف أطبخ من زماااااان
كل الأكل العادى المتعارف عليه والروتينى واليومى وبشهادة والدى وكل أفراد أسرتى نفسى حلو فى الاكل
بس الجديد بقى
بقالى فترة كل ماأقرا أكلة حلوة فى فتكات وتكون محتوياتها عندى
أروح أعملها وأدوقها لأهل جوزى وبتعجبهم جدا
فلما أخت جوزى حددوا يوم قراية فتحتها حماتى طلبت منى
أعمل أكل مش تقليدى يناسب مستوى الناس اللى جايين فأنا فكرت وقررت أعمل الآتى…
نجرسكوا وشيش طاووق وده جبته من العضوة الجميلة روشا وده لينك الموضوع
الـشـيش طـاووق و الـمكـرونـة الـنجـرسكو بالتصـوير الـبطئ من مطـبخ ( rosha23 ) بالصـور
https://fatakat.univanet.com/#2113639
وبجد والله ومن غير مجاملة طلع ممتاااااااااااااز وشكله شيك جدا
والناس ماكانش ليها كلام غير ع الشيش طاووق
والنجرسكو وباقى الأكل زى ايييييييييه؟؟؟
الجلاش اللى باللحمة الملفوف على شكل رولز
كان مدى شكل زى الكانيلونى وطريقته وحشوه كان من صديقتى الغالية عليا
رولى 20 وكان تحفة وعجبهم جدا وكل الستات اللى فى الخطوبة عايزين يعرفوا الطريقة وقعدت أشرح كل على حده
ههههههههههههههههههههه
https://fatakat.univanet.com/#1375487
ده لينك الجلاش بس أنا ضيفت ع الحشو لحمة مفرومة
وقطعت الكمية كلها أربع أرباع ولفيت كل 3 طبقات رول بعد ماتدهنيها بالسمن
وتحشيها بالحشوة دى مضاف ليها اللحمة
وكمان عملت فراخ بانيه وبرده كنت قريتها من هنا وباشكر العضوات اللى كتبوا عن الفراخ البانيه جدا
وطلعت هايلة بجد ولله الحمد من قبل ومن بعد
آخر صنف بقى كان المكرونة اللى بالبشاميل وبرده والله والحمد لله كانت جميلة جدا
حسيت يومها انى فخورة باللى عملته وشرفت أهل جوزى
قدام أهل العريس بتاع أخت جوزى وشرفت جوزى كمان
وده لينك المكرونة بالبشاميل والفراخ البانيه
الـمكرونـه بالباشميل والـفـراخ البـانيـه بالتصـوير البطئ من مطبخ ( rosha23 ) بـالصـور
https://fatakat.univanet.com/#1164868
والكل كان مبسوط وكلهم بيحسدوا جوزى على أكلى وماكانش فيه ولا غلطة وشكل السفرة مشرف جدا غير الاكل اللى حماتى كانت عاملاه
فاصوليا بالصلصة واللحمة
كفتة رز … ورز معمر
فراخ مسلوقة ومتحمرة فى الفرن
لحمة مسلوقة ومتحمرة فى الفرن
وكان يوم جميل جدا وانا شكرت ربنا انه عدى على خير بفضله عليا ثم فضل فتكات والفتوكات الحلوين
وبجد بجد فتكات مكسب لكل البنات والستات
أسفة للاطالة وبجد بحبكم كلكم فى الله
مواضيع هذا القسم برعاية
دكتورة مسكرة دكتورة مسكرة 344330_6.gif فتكات رائعة Fatakat 344330 المنصورة – مصر