السلام عليكم فتوكاتى العزيزات
ان شاء الله تكونوا بخير انا كنت عملت موضوع عن طريقة عمل الجبنة فى 10 دقايق وده الرابط بتاعه https://fatakat.univanet.com/#4384761
المهم الاختراع الجديد عملت الطحينة وبرده بفضل الله سهله جدا انا جايبها من على النت من الشيف محمد فوزى
مقاديرها
كوب سمسم
ونص كوب زيت يفضل زيت سمسم
ورشة ملح
معلقتين دقيق (اختيارى )
بسسسسسسسسسسسس
الطريقة بقى
بتجيبى طاسة عندك وتسخنيها على النار وبعدين تحطى السمسم فيها وتقلبيه لحد مايسخن بسسسس ماتخليش لونه يتغير يسخن بس
اول ماتحسى انه سخن تقومى حطاه فى المطحنة وهو سخن ماتخليهوش يبرد عشان ينزل الزيت اللى فيه وتطحنية جامد وكل ماتطحنى اكتر هتكون انعم والذ معاكىى بعد كده تقومى حطه كمية من الزيت واطحنى وحطى الشوية التانية لو حسيتى انها تقيلة ورشة الملح ولو حبه تحطى الدقيق بس كده بقت عندك طحينة تحفة ومش مضاف عليها اى حاجه
بس انا لما عملتها حصل منى خطا هو اللى بوظها انا اشتريت زيت سمسم من السوبر ماركت هنا (انا فى كوريا ) المهم الزيت طلع زيت سمسم بحق وحقيق هههههههههه يعنى مش مغشوش فلما حطيته طلع طعمه تقيل جدا جدا هو اللى بوظ طعمها بس ان شاء الله المرة اللى جايه تتظبط معايا
ياريت اللى تدخل تقيم اوتدعي لزوجى بالرزق الحلال وان يعينه على قضاء الدين
والجديد ان شاء الله فى الموضوع الجاى الطعميه بالعدس الاصفر مواضيع هذا القسم برعاية
*بنوتة موحدة* *بنوتة موحدة* 570722_4.gif فتكات هايلة Fatakat 570722 الله ناصرى – مصر هى امى