فكرة مدهشة لعمل القرنبيط وجديده وشيك في التقديم
انا اسفة نسيت اصور بس قولت اكتب الطريقة عشان الكل يستفاد
القرنبيط البانية
قرنبيطه بالحجم اللي تحبية
وتسلقيها لحد لما تتهري خالص وتصفيها في مصفي وتسبيها تبرد خالص وطبعا بتكوني مقطعة منها كل العروق الناشفة اوي
بتكون الورده وحتت عرق في حدود 2 سم
وبعد لما تبرد تهرسيها تعمليها زي البطاطس المهروسة
وتحطي حبة ملح وفلفل وبهار ونعناع ناعم
وبعدين تحضري الخلطة بتاعة القرنبيط العادية اللي كلنا عارفينها بيض ودقيق وتبهاريها
وتحطيها في الخلاط وتضربي معاها حزمة بقدونس او اتنين حسب الكمية
وتروحي واخده السائل ده وتنزليه علي القرنبيط حبة حبة لحد لما العجينة تلف معاكي وتحطي كمان شويه فيجيتار او بقسماط ناعم ده بيديها سمك وقرمشة
وتسبيها ساعة في التلاجة تجمد حبة وبعدين تشكليها علي شكل البانية وتقليها في الزيت السخن
بتطلع تحفة وبرصها في طبق التقديم علي شكل ورده بعد لما بصفي الزيت منها كويس
واروش شوية بقدونس علي الوش ررررررررررائعة
انا وجوزي وابني مش كنا بندخل القرنبيط ده البيت نهائي
ولما عملتها بالطريقة دي ممكن اعمله دلوقتي في الشهر مرتين
خطيرة مع بطاطس مقلية ومخلل
وطبعا البقدونس المعصور جوه الخلطه مش بيخلي اثار للغازات بعد اكل القرنبيط نهائي اصلي انا قولوني بيتعب من الكرنب والقرنبيط
وبس بأه قولوي رأيكم مواضيع هذا القسم برعاية
eno eno 57460_1.gif فتكات هايلة Fatakat 57460 الجيزة – مصر
سبحان الله و بحمده