أسعد الله مساءكم يا فتوكات يا قمرات يارب تكونو كلكم بخير ويصلح حال بلدنا يارب
دي اول مره احط موضوع في القسم ويارب يعجبكم
وانا قاعده طقت في دماغي اعمل بطاطس بيوريه بالجبنه المثلثات وخاصه اني مش بحب اعجنها بالبيض وقولت اجرب والتجربه نجحت الحمد لله وطلع صنف جديد ولذيييييييذ وبنوتي حبيبتها هي عندها سنه وشويه
ظريفه للاطفال كتغيير في اكلهم وحلو برضه للكبار وممكن تضيفي معاها التوابل لو حبيبتي
المقادير
بطاطس مسلوقه ومهروسه
جبنه مثلثات 
دقيق + ملح +بهارات اذا حبيتي
نشوف الطريقه وهي سهله وسريعه
البطاطسايه المتوسطه عليها جبنايه +معلقه صغيره دقيق او اقل للعجن وعليهم رشه ملح ورشه بهارات عند الحاجه
بنعجن كله مع بعضه وبيبقى احسن في العجن لو البطاطس مسلوقه كويس ومتكلكعش معانا
وبعدين بنكورها كور صغيره زي كده
وبعد كده بحط من معلقه كبيره ل 2 دقيق وبحرك كوره البطاطس فيها وببطتها لغايه لما تتغطا كلها بالدقيق بالشكل ده
بعدين بقليها في زيت غزير وعلى نار عاليه بعد الزيت مايقدح مجرد تتحمر اشيلها على طول لان مفيش بيض جواها يستوي وبتبقى طريه وهشه
وبتكون بالشكل ده
وده شكل كوره البطاطس من جوه
وممكن نعملها بالبقصمات بدل الدقيق عشان تقرمش بس انا مجربتش ياريت اللي تجرب بقه تقولنا : مواضيع هذا القسم برعاية
*soly* *soly* فتكات رائعة Fatakat 448580 المنصورة – مصر حبيبتي