بسم الله الرحمن الرحيم
ازيكم يافتوكات الاكله دى سهله ومش مكلفه وفى نفس الوقت
لذيذة جدااا
تكفي ل 4 افراد
المقادير:
نص كيلو بطاطس
ربع كيلو لحمه مفرومه
خلطة كفته فاين فودز او بهارات لحمه
جوزة الطيب "وممكن نستغنى عنها لو مش بتحبيها"
جبنه تركي مبشورة او جبنه موتزاريلا ولو الاتنين مع بعض يبقى احسن
ربع كوب لبن
ملح وفلفل اسود
زيت
2 بيضه
2 كيس فيجيتار
اول حاجه تغسلي البطاطس كويس وتقطعيها البطاطسايه على اربعه عشان متغبش فى السلق
وتسلقى البطاطس كويس جدا لغاية متبقى طريه عشان تعرفي تهرسيها
تطلعى البطاطس من الميه وتقشريها وتهرسيها بالشوكه وتحطى اللبن وتعجنى البطاطس باللبن وبعد كدا تحطى الجبنه وتعجنى
وتسيبيها
نيجى بقى للحمه تحطى الزيت فى الطاسه وبعدين تحطى اللحمه المفرومه وتقلبى وبعدين تحطى توابل الكفته وتدوقى لو محتاجه ملح تحطى وبعدين فلفل اسود واول ماتستوي تحطيها ع البطاطس وتعجنيهم كلهم ف بعض وبعد كدا تقرصيهم زى القرص
وتحطيهم فى صنيه وتحطيهم فى التلاجه نص ساعه
بعد كدا تطلعيهم وتكونى محضرة البيض والفيجيتار وتحطى قرص قرص فى البيض وبعد كدا تغطيه بالفيجيتار زى مابتعملى البانية
وطبعا تكونى قدحه الزيت وتحمريهم لغاية مايبقى لونهم دهبى كدا زى البانيه
وتاكلى بقى بالهنا والشفا وتدعيلي
وممكن تقدمى معاها مكرونة وبطاطس محمره زى منا بعملها
مواضيع هذا القسم برعاية
ميرو _محمد ميرو _محمد 251491_9.gif فتكات هايلة Fatakat 251491 الاسكندريه – مصريه اسكندرانيه