السلام عليكم
انا عارفة انكم كلكم مشتاقين للحمل مع هذا المرض ربنا يراضيكم يا رب
انا يا جماعة سلفتي عندها بطانه الرحم المهاجرة وكان كيس دموي علي المبيض والتصاقات في الحوض وحاجات تمنع الحمل خااااااااااااااااااااااااااااااالص
بس الدكتور قالها هنعمل عملية المنظار ع ترتاحي من الالم الي بيجي قبل الدورة مش هنعملها ع هيحصل حمل لان ما فيش حمل هيحصل دلوقت حالتك ميؤس منها وكانت النفسية بتاعتها زيرو
وبعد شهور في اول رمضان جاتلها لا حول ولا قوة الا بالله الحمي المالطية واخذت ادوية وبلا ازرق
وفي ايام العيد تعبت قوي جرينا بيها علي المستشفي قبل الوقفة بيوم نكتشف انها ماشاء الله عقبالكم حامل في تؤام الله اكبر
وهي يا عيني عمالة تقول الدورة اتاخرت من دوا الحمي المالطية الي جاتلها ونسيت انها ممكن تكون حامل
يا رب عقبالكم وربنا يراضيها بولد وبنت يا رب لان البنت دي اتعذبت وتعبت كتير
ملحوظة هااااااامة
هي دلوقت عمالة ترجع وتعبانة علي الاخر عارفين دلوقت تقول ايه انا تعبانة من الحمل انا كنت الاول احسن انا كنت مستعجلة علي القرف ده ليه يا يوم من ايام زمان
امال يا حلوة لما تولديهم هتعملي ايه
ههههههههههههههههههههههههههههههههههههههه
عقبالكم يا رب
دعاءوسامح دعاءوسامح فتكات هايلة Fatakat 439015 الجيزة – مصرية
سبحان الله و بحمده