السلام عليكم
أنا ده أول موضوع ليا ع فتكات أنا أصلا لسة جديدة هنا مبقاليش كتير و بجد إستفدت من وصفاتكوا كتير جدا و جربت منها حجات كتيرررررررررر أوي وطلعت تحفة الحمد لله
رغم إني أصلا مكنتش غاوية مطبخ بس ناو بقيت بموت فيه و بحب أجرب الجديد ^_^
ودي صور حاجات انا جربتها و كنت جايبة طريقتها من هنا من فتكات ^_^ و بجد شكرا للي كانوا قايلين الوصفات دي ^_^
طبعا الأكلات دي مش كلها دايت بس كنت بعملها للي فالبيت ^_^
ندخل في الموضوع .. طبعا كلنا عارفين إن الردة كويسة جدا للدايت و انها بتشبع جدا
و فيه أنظمة فيها انك بعد الفطار و الغدا و العشا تاخدي معلقة ردة بس أنا الصراحة مش بلعاها حساها هتقف في زوري مش هتتبلع
+ انه فكرت احطها في حاجة تانية فئولت أعمل بسكويت بيها ^_^ و أهو محسش اني اتحرمت من البسكويت + انه انا وقتي ضيق الصبح بسبب الجامعة دايما مش بلحق أعمل فطار فقولت أهو دي حاجة سريعة و معمولة جاهزة من قبلها فأخد البسكوتة جنب أي فاكهة و أجرررررررررررررررررررررررررررررررررري ع كليتي ^_^
رغيت كتير أقولكو بقه أنا عملت إيه وأوريكو صوره ^_^
الأول " البسكويت " ^_^
المقادير :
2 كوب ردة ناعمة – 1/2 كوب دقيق + 4 معالق ممسوحة سكر خشن " مش تملوها أوي " + معلقة عسل أسود + معلقة عسل أبيض + 1/2 معلقة بيكينج باودر + معلقة قرفة + معلقة لبن بودرة + ماء دافيء للعجن
الطريقة :
ببساطة هنحط السوايل ع بعض الأول و بعدين نضيفها ع الحجات الجامدة
*يعني هنخلط العسل الأبيض و الإسود في شوية من المية الدافية في طبق
*و نخلط الردة مع الدقيق مع البيكينج باودر و القرفة و اللبن البودرة و السكر في طبق
*و نضيف الاتنين ع بعض بعد كده و نخلطهم ببعض كلهم كويس و نبدأ نزود بالراحة المية الدافية لحد ما تاخد قوام متماسك اقدر اشكله و بيكون لونها لون عسلي كده و ريحتها حلوة أووووووووي ^_^
*و بعدين هناخد من العجينة حتة صغيرة في إيدنا و نكورها و بعدين نبططها بإيدينا و هكذ لحد ما العجينة تخلص و نرصهم في صاج نكون داهنينه بطراطيف ايدينا خالص خالص زيت و ندخلهم الفرن بئة يستوا مش بياخدوا وئت و هتلائيه جمدو بئة زي البسكويت
دي صورته قبل ما يدخل الفرن ^_^
ودي صورته بعدما إستوي و خرج من الفرن^_^
[IMG]https://img689.imageshack.us/img689/8762/14764370.png[/IMG]
وطعمه جميل و الله و أهوه تغييير ^_^
************************************************** *****
" العيش السن "
المقادير :
كوبين دقيق + 6 معالق مليانة ردة ناعمة + 10 جرام خميرة + رشة سكر + 1/2 ملعقة ملح + ماء دافيء
الطريقة :
هنحط الخميرة و عليها رشة السكر + حبة مية دافية و ندوبها و نسيها متغطية لحد ما تعمل فئائيع كده
هندوب الملح في شوية برضو من المية الدافية بحيث يدوب تماما
هنحط الردة ع الدقيق و بعدين نحط عليها المية بملح و المية بالخميرة و نخلطهم مع بعض جامد و نعجنها كويس
هيبقي شكلها كده
و بعدين نسيبها تخمر حوالي ساعة في مكان دافي أنا بحطها في فرن البوتجاز و هو مطفي طبعا ^_^
بعد ما تخمر هنكورها دواير و بعدين نمسك كل دايرة ونبططها فـ هيبقي شكلهم كده
ونجيب الردة نرشها عالرخامة و نحط عليها دواير العجينة بتاعتنا و نتك عليها بحيث الردة تمسك فيها أكتر و عالوش التاني برضو نعمل نفس الحكاية و هتكون كده
[IMG]https://img209.imageshack.us/img209/7599/img4918pl.jpg[/IMG]
بس كده هنرص كل دواير العجين دي في صاج و ندخلها الفرن هتطلع كده ^_^
يارب أكون أفدت أي حد زي ما ياما بجد أفدتوني ^_^ مواضيع هذا القسم برعاية
this is me92 this is me92 919911_2.gif فتكات هايلة Fatakat 919911 القاهرة – جمهورية مصر العربية