برنامج العنايه بشعر طفلك او طفلتك من اول ما يتولد لغاية عشر سنين للعناية بالشعر 2024.
السلام عليكم وعدتكم اني هنزل برنامج خاص للعنايه بشعر الاطفال بس اتاخرت عليكو عشان مبحبش انزل حاجه الا لما اقراها وادرسها كويس جدا وبما اني معرفش اجربها على نفسي سالت فيها ناس علشان برده ده شعر اطفالنا انا مبحبش استهتر في المواضيع دي عشان تاخدي مني المعلومه ثقه واسالو الناس اللي جربتني قبل كده بسم الله العنايه بطفلك من اول الولاده لغاية 6 شهور اول حاجه من السنه ان المولود يحلق شعرة يوم السبوع سواء ولد او بنت عارفه ليه اولا ان الشعر بيكون كثيف وطويل ثانيا يقوي الذكاء والذاكرة للطفل ثالثا يقوي السمع والله اعلم ورابعا وده الاهم انه سنه عن الرسول فاحنا هننفذه بدون كلام طيب ازاي تحلقي شعر طفلك او طفلتك صح عشان الشعر الجديد ميطلعش خشن هتجيبي ماكينه حلاقه العاديه الموس وتبلليه ميه وتحلقي شعر الطفل (الشعر يكون ناشف) بس في اتجاه نمو الشعر مش بعكس الاتجاه عشان عكس الاتجاه دي الشعر الجديد هيطلع خشن اما لو حلقتي في اتجاه الشعر الشعر الجديد هيطلع ناعم باذن الله (بس متنسيش تسمي الله) طيب بعد الحلاقه طبعا يفضل ان فروة راس الطفل تتغسل مرتين بالاسبوع وبشامبو جونسون للاطفال (معلقه منه على ملو ازازة ماء) نشفي فروة الراس كويس جدا منعا لتكون الفطريات الدهان هتجيبي زيت حبة البركه من العطار وتجيبي قطارة قيدمه وقطنه كل يوم هتحطي نقطتين تلاته بس من الزيت بالقطارة وتوزعي على فروة الراس بالقطنه ومتكتريش هم نقطتين او تلاته بالكتير اولا من السنه ثانيا ليس له اضرار جانبيه وخفيف على الشعر ثالثا يمنع تكون القشرة اللي بتكون موجوده عند بعض الاطفال رابعا يحفز نمو الشعر والشعر الجديد هيكون ناعم باذن الله متستخدميش اي زيت تاني غير ده لان فروة راس طفلك مش هتتحمل زيت تاني الزيت ده خفيف وصحي وسنه عن الرسول من ست شهور لسنه هتبداي تستخدمي المشط ومشط الطفل بيتباع في الصيدليه ومتجيبيش غيرة اوعي تستعملي مشط الكبار بالنسبه للشامبو زي ما اتعودتي بالنسبه للدهان ممكن تستمري عليه وممكن تستبدليه بزيت السمسم (برده خفيف جدا على فروة البيبي) بس بلاش اي زيت تجاري الله يخليكم التسريح على خفيف جدا مرة في اليوم غسل الشعر هنا مرة واحده في الاسبوع من سنه لسنتين امشي على نفس النظام ولو عايزة تحطي زيت بيبي جونسون على شعر النونو برده بالقطارة اياكي والزياده هنا الطفل هيكون بدا ياكل اهتمي بالخضروات جدا من 3 الي خمس سنين خليكي بنفس النظام ولو عايزة تستعملي الشامبو مباشرة بدون تخفيف لا يضر باذن الله مع اني بنصح دايما بالتخفيف برده نفس الزيوت اهتمي بالاكل والتسريح اوعي تفكري تعملي اي خلطات او وصفات من خمس الى ست سنين هنا هتستغني عن زيت الشعر وتبداي تحطي كريم عندك كريم دابر فاتيكا او كازانوفا اوعي تدهني لبنتك زيت وتسيبيه على فروة الراس الا لو زيت حبة البركه او سمسم مفيش مشكلة لو شعر بنتك نوعيته جاف اعملي لها حنه مخلوطه بزيت زيتون مرة كل شهر نفس شامبو الاطفال تقدري تقصي اطراف شعر بنوتتك مرة من ست الى عشر سنين نفس شامبو الاطفال ممكن تغيري المشط وتجيبي المشط الخشبي ممكن تعملي حمام زيت الزيتون قبل غسل الشعر بساعتين مش اكتر الدهان يكون كريم مش زيت ممكن حنه برده مرة كل شهر ممكن تقصي اطراف شعر بنتك ملحوظه هامه اوعي تثبتي لبنتك تسريحة شعر معينه دايما غيري تسريحة شعرها عشان ميخفش ومينحلش ملحوظه تانيه لف الشعر مش قبل 8 سنين وميتلفش طاقيه ولا على رولوهات قسميه اربع اجزاء واعملي كل جزء كحكه الموضوع ده مش منقول من اي مكان تاني ده خلاصة بحثي من المنتديات والاستعانه بخبرات السابقين من معارفي الشخصيه اتمنى تكونو استفدتم واي سؤال انا موجوده بحبكم في الله اختكم اشواريا</B></I> اشواريا89 اشواريا89 images/flowersavatars/avatar0030.jpg فتكات هايلة Fatakat 198682 مدينة الاحلام – مصر
