السلام عليكم ورحمة الله وبركاته
ازيكم يا أحلى أخوات فى الله ويا رب ولى علينا من تحب وامتنا وأنت راض عنا آمين
أنا عامله النهارده لحمة بالكبده أخدت فكرتها من قناة فتافيت الطريقة لحمة مفرومة بالكمية اللى تناسب أسرتك
بصلة مفرومة من غير الميه
ملح وفلفل والبهارات اللى تحبيها
شريحتين كبدة
فلفل أحمر وأصفر
زبدة وزيت
هانجيب الكبدة ونقطعها مكعبات صغيرة ونشوحها مع بصل شرائح والفلف الألوان المقطع شرائح فى الزيت وحتة زبدة والملح والفلف وشوية بهارات لحد ما تستوى ونسيبها على جنب
ممكن تعملى الكبدة اسكندرانى لو مش حابه بدل طريقتى
نيجى للبصل المفروم من غير الميه ونشوحها فى الزبدة من غير ما تتحمر وبعدين نتبلها مع اللحمة المفرومة والملح والفلف والبهارات اللى انتى عايزاها ونفردها كويس على ورق فويل ونحط الكبدة اللى عملناه فى النصف ونحشيها بيها ونلفها رول ونحطها على النار فى حلة فيها ميه فيها حبهان وخل وبهارات ونتلركها لحد السوى تلات أرباع ساعة
(الجزء الأخير ده الرول اللحمة أتعلمتها من ألاخوات هنا فى منتدانا الغالى )
وده شكلها النهائى يا رب تعجبكوا وتدعولى
ودى صورة قريبة ليها
وصورة كمان
ها فين الدعوة بس مش ليا المرة دى
::دى لمصر حبيبتنا يا رب احفظها يا رب ::
مواضيع هذا القسم برعاية
توتى موتى توتى موتى 412873_1.gif فتكات رائعة Fatakat 412873 دمياط – مصر