السلام عليكم
انا مبدأيا عندى مشكلة فى الرحم و مينفعش اركب لوب
و بعد الولادة الدكتورة كتبت لى سيرازت علشان الرضاعة و كان لبني قليل و قالت لى اولا انه مش بيأثر على الرضاعة و ثانيا انه البريود مش حتيجي و اخلص الشريط و ابدأ فى اللى وراه علطول و انا بقالى ثلاث شهور بأخد الحبوب دي
اللى بيحصل بفي كل شهر انى مع اخر حباية بلاقي البريود نزلت بس مش كتير خالص و ثلاث ايام و بتقطع
و من كام يوم كدا بدأت احس ان اللبن بيقل كمان
فعندى كذا سؤال
عل معني ان البريود بتجيلى ان الحبوب دى مش عاملة معايا تأثير كويس فى منع الحمل فلازم اخد الحبوب العادية ؟
و لو كدا اخد ايه جنيرا و لا ياسمين ؟ و ايه الفرق بينهم ؟
هل الحبوب العادية بتأثر على اللبن ؟ اكتر من كدا ؟
لما جيت اخد الحبوب اللى هي سيرازت الدكنورة قالت لى انه الاحسن انى اخدها على الاقل اسبوعين قبل العلاقة علشان يكون تأثير الهرمون موجود فى الدم
فهل الكلام دا ينطبق على الحبوب العادية ؟ يعنى لازم ابدأ فيها الاول لمدة اسبوعين قبل العلاقة و بعد كدا يبقى عادى اخدها كل يوم و العلاقة تحصل فى اى وقت
و كمان معلش لو انا ببقي بعيدة عن جوزى شهرين او ثلاثة فى السنة ممكن ابطل الحبوب فى الشهور دى و لا ايه
و لكم جزيل الشكر
moony_max14 moony_max14 فتكات متميزة Fatakat 182419 القاهرة – مصر
سبحان الله و بحمده