سلاااااااااام عليكم
ازيكم يا فتووووووكات
زي ما العنوان بيقول كده
عاوزين نشجع بعض نعمل تمارين
سواء بقي لهدف انكوا تخسوا
او حتي خسيتوا بس عاوزين الجسم يتشد
ده غير اهمية الرياضة اليومية ف حد ذاتها
عاوزين نخليها ضمن الروتين اليومي بتاعنا
و نتغلب ع الكسل اللي ممكن يبوظلنا كل حاجة
فعشان كده عملت الموضوع ده
بحيث نتابع مع بعض و يبقي حافز لينا نستمر
لغاية ما تبقي الرياضة جزء اساسي من حياتنا
كل واحده يشوف ايه التمارين اللي عاوزه تعملها
و اللي هتفيدها عشان تخسس منطقة معينه
او تشد جزء معين و هكذا
كل واحده ادري بنوع التمارين اللي هتناسبها
امال احنا هنا هنعمل ايه
اللي هنعمله اننا هندخل نكتب عملنا تمارين و لمدة اد ايه
و عشان ميبقاش الجروب ممل
هنعمل زي تنافس بين البنوتات اللي هتشترك
و ده هيبقي ازاي ؟؟
ااقولكو
في نهاية كل اسبوع اجمالي عدد ساعات الرياضة يبقي 5 ساعات
و انتي حرة تقسميهم طول الاسبوع زي مانتي عاوزه
يوم ربع ساعه يوم نص ساعه يوم ساعه
مش مشكلتي
المهم توصلي لاجمالي عدد ساعات يبقي 5 كحد ادني
و اعلي 3 معدلات
بياخدوا الالقاب دي
Fitness Princess 
Super Fitness Princess
و اعلي معدل خالص بتاخد لقب
Super Fitness Queen
و اللي هتجيب ااقل معدل هتاخد لقب
Lazy Panda
ها مين تحب تشترك
عشان اسجل اسمها
و اهم حاجة الجدية
يعني مش تشتركي و بعدين الاقيكي اختفيتي
الي جانب انه بعد الاشتراك
لو مكتبتبيش التقرير لمدة 3 ايام متتابعة و منغير وجود اي عذر او سبب
مجرد كسل
انا هعتبر البنوتة منسحبة من التحدي
عشان يبقي جد شوية
و اخيرا حابه اشكر كل البنات اللي اشتركت معايا ف الجزء اللي فات
بجد ما شاء الله عليكو ممتازين
مبسوطة بيكو جدا
و ان شاء الله مكملين سوا
بهمه و حماس و نشاط اكتر الجزء ده
Classical Music Classical Music 516294_3.gif سوبر فتكات Fatakat 516294 Alexandria – Egypt ~