صباح الخير يافتكات انا ححكيلكم تجربتى اول الجواز فى تاجيل الحمل من سنة ونص تقريبا وانا حامل دلوقت فى السادس الحمد الله ادعولى يكملى حملى على خير
انا وجوزى من قبل الجواز اتفقنا ناجل الحمل شوية والكل كان معارضنا واللى تقولى بلاش حتتعبى بعد كدة وحتحملى بصعوبة واللى تقولى معرفش مين عملت كدة ودايخة على دكاترة بقالها كام سنة وسمعت كتيير اوى وانا ولا فى بالى من الكلام ده وزى هنا دايما تخوفوا برده البنات من التاجيل ده اول الجواز اكنهم حيعملوا جريمة والله والله التاجيل ده فايدته حلوة جداااااا فى اول الجواز بتتمتعى وتعيشى اجمل لحظات حياتك وبتلبسى وتخرجى وبتتعرفوا انتى وجوزك على طباع بعض بدون ضغوط حواليكوا ومسؤلية طفل انا اختى والله اجوزت وحملت تانى شهر وكانت تعبانة وترجيع ونايمة طول الوقت وطبعا مافيش علاقة ولا مهتمية بنفسها ولابجوزها وجوزها كان مخنوق طبعا عريس جديد ومش لحق يعيش يومين وياخد راحته مع مراتهه ده غير ان معظم هدومها متلبستش لحد دلوقت سواء لانجيرى او خروج وزادت طبعا بعد الولادة والحمل واهى دلوقتى مش عارفة تسرح شعرها من ابنها وشغل البيت يعنى لااتمتعت بحياتها قبل الحمل ولا بعده وجوزها دايما اعد على القهوة ومبينمش جنبها علشان البيبى طبعا انا ماشوفت كدة وغيرها من اللى حوليا قولت لااااااااا نا مش حابة اشيل مسؤلية بدرى واتهد كدة من اولها واتلخم فى دوامة الحمل والتعب والولادة ووزن زايد وبعد عن جوزى خصوصا انه بيسافر والحمد الله جوزى كان نفس رايئى وقبل الجواز بشهر رحنا كشفنا انا وهو وعملت كل التحاليل والحمد الله طلعت سليمة وزى الفل وطلبت من الدكتورة وسيلة تناسبنى وفى نفس الوقت متلخبطش هرموناتى وتبوظ المسائل فكتبتلى على لبوس (نو جرافيد) وده الشريط ب10جنيه تقريبا وبتحطيه عادى من تحت قبل الجماع بربع ساعة كدة بس حيعمل مغص شوية عاااااادى فى الاول ممكن تاخدى اى مسكن هو امريكى وفى مادة قاتلة للحيوانات المنوية يعنى كل شغله جوة المهبل فقط مبيلعبش فى الهرمونات خالص بس لاااااازم يدخل للاخر ويسيح جوة المهبل ده حتى فايدته كمان انه بيعمل اثارة جنسية ومافيش منه اى مشاكل غير المغص بس ده فى الاول بس وفضلت استعمله عادى وكل حاجة كانت طبيعية لحد ماقررنا نجيب بيبيى وحملت تانى شهر عالطول بعد مابطلت استعمله ودى كانت تجربتى بكل بساطة للبنات اللى مقبلة على الزواج وحابة تاجل شوية وادعولى بقا ربنا يكملى على خير علشان تعبانة اوى الايام دى وبنام كتيير
Pure Angel Pure Angel 951226_3.gif فتكات هايلة Fatakat 951226 مدينة نصر – مصر
سبحان الله و بحمده