السلام عليكم ورحمة الله وبركاته
اهلا بيكم منورين جميعا طبعا
اللى بيحبو الفسيخ واللى مبيحبهوش
انستم وشرفتم
طبعا بتقولوا حد يعمل موضوع فسيخ دلوقتى
معلش بقى انتهزت فرصه ان بنتى نامت
وقعدت اعمل الموضوع بمزاج ههههههه
نحط شوية ورد عشان الريحة بقى 
النهاردة جيبالكم طريقته من مطبخى
هتعمليه فى البيت انضف وارخص وزى الجاهز والله
بس بالله عليكم اللى مبتحبوش متقوليش يعععععع
عشان الاحباط بس الله يكرمكم هههههههههههههه
طبعا انا عارفة ان فتوكات كتير عملوه
بس يلا زيادة الخير خيرين
دى طريقة سلفتى ماشاء الله عليها ممتازة فيه
لو عجبكم ياريت تقييم جميل كده من اديكم الحلوين
متتخيلوش تصويره صعب اد ايه
كل صورة اغسل ايدى 100 مرة واشمها
عشان الموبايل ههههههههههههه
المكونات
. سمك بورى انا عملت 6 سمكات وسط
وطبعا السمك يكون طازة
. كيس ملح ( لو بتحبيه حادق زودى شوية )
2 معلقة كبيرة شطة
2 معلقة كمون
. شوية زيت
الطريقة
. هنغسل السمك
. فى ناس مبتغسلوش بس انا غسلته وعلى فكرة عملته كتير والله
هتغسلى الخياشيم كويس ومتنضفيش السمك من القشر
. هتعملى للسمك مساج بأديكى تدليك كده
عشان يبقى طرى وزبدة لما يستوى
. نشفى السمك كويس وحطيه واقف فى دورق متبطن بورق مطبخ
او حلة غويطة براحتك
وده عشان ينزل المياة والدم اللى فيه
. سيبيه حوالى 6 ساعات فى ناس بتسيبه 12 ساعة بس انا بلاقيه نشف وبقى تمام بعمله
. بعد كده عيدى عليه ونشفيه بورق مطبخ تانى
. دلوقت هنحشيه بالملح ودى الكمية اللى عملت بيها 6 سمكات
. هنحشى السمكة كويس تحت الخياشيم ونضغط جامد بأدينا لحد ما تفرقع وتصوت وتقولك ارحمينى
. اهوه
. دلوقت بقى اهم مرحلة التخزيين
هتجيبى كيس وتحطى فيه سمكتين عكس بعض
وترشى عليهم شوية ملح حلوين
ورشة زيت وادعكيهم بالكيس كده
. وتقفلى الكيس كويس وتطلعى كل الهوا بأديكى
لازم الهوا كله يخرج
. هتحطيه فى كذا كيس حوالى 6 اكياس او اكتر براحتك
وكل مرة تطلعى الهوا كويس
. وبعدين حطيه فى كيس جامد شوية ولو عندك مشمع لفيه فيه
. طبعا ده كيس Nike لو عرفوا انى حاطه فيه فسيخ هيرفعوا عليا قضية
محدش يقولهم بالله عليكم ههههههههههههههههههه
. اربطى الكيس بأساتك لو عندك
معندكيش زى يبقى خيط ولفى كويس
. حطيه فى اى مكان بعيد عن الشمس
فى الفرن بس ميكونش شغال طبعا
فى درفة دولاب المطبخ
بعد يومين بليل كده قلبيه على جمب
وهكذا باقى الايام
كل يوم تقلبيه على جمب عشان يستوى من كل الجهات
هتلاقيه بعد كده طلع مياه وريحته بانت
بس متخفيش الريحة مش وحشة اوى والله
عشان الكمون اللى حطينه
انا عايشة فى السعودية والجو عندنا حر آوى
عملته وخد حوالى 6 ايام بالظبط وطلعته
وفى ايام الحر الجامد بياخد 4 ايام والله
فى مصر بيقولوا بيسيبوه فى الحر 10 ايام او اكتر حسب حجم السمكة
وهنا لما طلع بالسلامة
نضفته من القشر والبطن والسلسلة وقدمته
والله العظيم طعمه روووعة وطرى جدآآآ
. وطبعا يتقدم مع بصل بخل
. وبطاطس محمرة وطبعا مش كل الناس بياكلوها معاه
انا فى بيتنا مكناش بناكلها معاه خالص
بس لما اتجوزت حماتى لقيتها بتحمر جمبه بطاطس
استغربت بصراحة بس طعمها حلو معاه والله
وبراحتكم طبعا
. وده شكل الاكل كله
فى آمان الله
قيموا لو عجبكم
مواضيع هذا القسم برعاية
Just Smile Just Smile 488930_574.gif آم ليلــى القمرآية ♥ Fatakat 488930 يارب باركلى فى زوجى وبنوتى واحفظهم من كل شر اللهم انى استودعك اياهم ♥ – فـ رحمه ربنا الواسعه وفضله ونعمته عليا ~ الحمد لله رب العالمين