السلام عليكم ورحمة الله وبركاته
بما إنى وزوجى مدمنى بانيه بالبيض والبقسماط محمر فكان موضوع إننا نستغنى عن البانيه فى أكلنا أمر صعب جدا ما أطولش عليكم
قلت أحاول أقلل الضرر فى الوصفة ونشوف هتنجح ولا لا
المقادير:-)
نصف ك بانيه
بصل مبشور
ملح وفلفل
بياض بيضة كبيرة
بقسماط مطحون ناعم
زيت
الطريقة:
أنا عن نفسى بأشيل اصدور الفراخ فى الفريزر متبلة جاهزة بالبصل المبشور والملح والفلفل فتأخد وقتها فى النقع من غير ما تزيد البكتيريا فيها زى لما تتنقع فى الثلاجة
بعد كده نتبل بياض البيضة بفلفل أسود ونتبل البقسماط ببهارات فراخ لو عندك
ونغمس البانيه بى بياض البيض ثم نغمسه خفييييف فى البقسماط من غيرضغط خااااالص يادوب تتغطى القطعة كلها بطبقة خفيفة من البقسماط
بعدين نرصهم فى صينية واطية او علة شبكة الفرن
عن نفسى عندى ميكرويف بشواية بأرصهم على شبكة الشوى بتاعته
بعدين بفرشاة دهان حلويات ندهن القطع خفيف بطريقة الضغط مش المسح علشان لو مسحنا بالفرشة على قطع البانيه هتتشال طبقة البقسماط وفى فكرة تانية فكرت فيها بس لسه ما جربتهاش وهى إنى احط الزيت فى بخاخة فاضية من بخاخات المية وأرش بيها قطع البانيه من الجهتين
وبعدين أدخلهم تحت الشواية طبعا لما بتكون قاطع البنيه رفيعةهيبقى كفاية عليها نار الشواية أما لو القطع تخينة يبقى ولعى الفرن مع الشواية علشان تستوى الفراخ كويس من جوة بدل ما تتحمر من غيرسواء كويس
أنا لما بدخلهم الميكرويف باحطهم شواية بس لو قطع رفيعة أما لو قطع تخينة باحطهم شواية مع قوة 37% ميكرويف علشان يستووا من برا وجوه مع بعض
بيأخدوا تقريبا تحت شواية الميكرويف 25 دقيقة للجهتين
وبتطلع ذهبية ومقرمشة من بره وطرية من جوة
جربوها وإن شاء الله تعجبكم مواضيع هذا القسم برعاية
أم سلمى 2024 أم سلمى 2024 فتكات رائعة Fatakat 322241 الرياض – السعودية